Dainik Maval News : परभणी जिल्हाधिकारी कार्यालय आवारात दहा डिसेंबर रोजी घडलेल्या संविधान प्रतिकृतीच्या विटंबना प्रकरणी रिपब्लिकन पार्टी ऑफ इंडिया (आठवले गट) पक्षाकडून वडगाव मावळ येथे निदर्शने करण्यात आली.
परभणीत दहा डिसेंबर रोजी घडलेल्या संविधान प्रतिकृतीच्या विटंबना प्रकरणानंतर संपूर्ण राज्यात संतापाची लाट उसळली आहे. तसेच आंदोलक सोमनाथ व्यंकट सूर्यवंशी या 35 वर्षीय तरुणाचा न्यायालयीन कोठडीत मृत्यू झाल्याने भीमसैनिकांमध्ये प्रचंड रोष निर्माण झाला आहे.
या संपूर्ण प्रकरणाचे पडसाद राज्यभर उमटत असताना आरपीआयकडून राज्य बंदची हाक देण्यात आली होती. त्यानुसार मावळमध्ये ठिकठिकाणी बंद पाळण्यात आला. तसेच आरपीआयचे महाराष्ट्र प्रदेश सचिव सूर्यकांत वाघमारे यांच्या नेतृत्वात वडगाव मावळ येथे निदर्शने करून प्रशासनाला निवेदन देण्यात आले.
परभणी येथील जिल्हाधिकारी कार्यालयाच्या आवारातील डॉ. बाबासाहेब आंबेडकर यांच्या पुतळ्याशेजारील भारतीय संविधानाच्या प्रतिकृतीची विटबंना करणाऱ्या नराधमावर कठोर कारवाई व्हावी, अशा मागणीचे निवेदन वाघमारे यांच्या उपस्थितीत तहसीलदार विक्रम देशमुख व पोलीस निरिक्षक कुमार कदम यांना देण्यात आले. यावेळी आंदोलनात शहीद झालेले सोमनाथ सूर्यवंशी यांना सामुदायिक श्रद्धांजली अर्पण करण्यात आली.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– राज्यपाल सी.पी. राधाकृष्णन यांनी 33 मंत्री व 6 राज्यमंत्र्यांना दिली पद व गोपनीयतेची शपथ, एका क्लिकवर पाहा यादी
– जगप्रसिद्ध तबलावादक पद्मविभूषण उस्ताद झाकीर हुसेन यांचे निधन । Zakir Hussain Passes Away
– वडगाव मावळ पोलीस ठाण्याचे नव्या वास्तूत स्थलांतर ! तब्बल 135 वर्षे सुरू होते जुन्या इमारतीमध्ये कामकाज
– महाराष्ट्रात आजपासून गतिशील कारभार सुरू – मुख्यमंत्री देवेंद्र फडणवीस
