Dainik Maval News : लोणावळा शहर आणि परिसरात सरत्या वर्षाला निरोप देण्यासाठी येणाऱ्या पर्यटकांसाठी एक निराशाजनक बातमी आहे. सुरक्षेच्या कारणास्तव आणि गर्दी टाळण्यासाठी आज (मंगळवार, दि. 31 डिसेंबर) रोजी लोणावळा शहराजवळील टायगर पॉइंट आणि लायन्स पॉइंट हे दोन्ही प्रसिद्ध पर्यटनाचे ठिकाण पर्यटकांसाठी बंद ठेवण्याचा निर्णय घेण्यात आला आहे.
मावळ तालुक्यातील पर्यटनाचे सर्वाधिक आकर्षण असलेल्या लायन्स आणि टायगर पॉईंट वरून वर्षाचा शेवटचा सूर्यास्त टिपण्यासाठी पर्यटकांची प्रचंड गर्दी होते. या गर्दीमुळे कोणतीही अनुचित घटना घडू नये यासाठी वर्षअखेरीस (दि. 31 डिसेंबर) दिवसभर लायन्स आणि टायगर पॉईंट वर जाण्यासाठी वन विभागाने निर्बंध घातले आहेत. ( Lions Point and Tiger Point closed for tourists on 31st December Lonavala News )
लोणावळा जवळील लायन्स पॉईंट आणि टायगर पॉईंट वर जाऊन वर्षाखेरीचा सूर्यास्त मोबाईल मध्ये टिपण्यासाठी पर्यटक मोठी गर्दी करतात. काही उत्साही पर्यटक प्रशासनाच्या सूचनांना पायदळी तुडवून जीव धोक्यात घालून स्टंटबाजी करतात. त्यामुळे वर्षाच्या सुरुवातीला दुर्दैवी घटना घडण्याची शक्यता असते. अतिउत्साह काहीजणांच्या जीवावर बेतून जातो. त्यामुळे वन विभागाने ३१ डिसेंबर रोजी दिवसभर लायन्स आणि टायगर पॉईंट वर जाण्यासाठी बंदी घातली आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– श्री खंडोबा देवाच्या सोमवती यात्रेच्या अनुषंगाने सोमवारी 30 डिसेंबर रोजी वाहतूक मार्गात मोठा बदल – जाणून घ्या
– थर्टी फर्स्ट, नववर्षाच्या स्वागतासाठी पवना धरण परिसरात येण्याचा प्लॅन करताय ? आधी ही बातमी वाचा । Pavana Nagar News
– विजयस्तंभ अभिवादन कार्यक्रमानिमित्त पुणे जिल्ह्यातील वाहतुकीत मोठा बदल ; पाहा कोणते मार्ग बंद, कोणते सुरु
