Dainik Maval News : रिक्षात प्रवासी भरण्यावरून झालेल्या वादातून बांबूने मारहाण केल्यामुळे एक रिक्षाचालक जखमी झाला. जुन्या पुणे-मुंबई रस्त्यावर कार्ला फाटा येथे रविवारी सकाळी ही घटना घडली. या प्रकरणी लोणावळा ग्रामीण पोलीस ठाण्यात गुन्हा दाखल करण्यात आला आहे.
हनुमंत तिमन्ना बैना (वय ४९, रा. वाकसई चाळ, ता. मावळ) असे जखमी रिक्षाचालकाचे नाव असून त्याच्या फिर्यादीवरून पप्पू चव्हाण (रा.कार्ला, ता. मावळ), राजू देशमुख, (रा. वाकसई, ता. मावळ), भाऊ चव्हाण व त्याचा मुलगा (पूर्ण नाव अज्ञात, दोघे रा. कार्ला, ता. मावळ) यांच्या विरुद्ध मारहाण करून दुखापत केल्याप्रकरणी गुन्हा दाखल करण्यात आला आहे.
जुन्या पुणे-मुंबई महामार्गावर कार्ला फाट्यावर फिर्यादी आणि आरोपींमध्ये रिक्षामध्ये प्रवासी भरण्याच्या कारणावरून वाद झाला. या वादात पप्पू चव्हाण याने हातातील बांबूने हनुमंत बैना यांना पाठीवर मारहाण केली. तसेच इतर आरोपींनी हाताने मारहाण, शिवीगाळ व दमदाटी केली. यामुळे फिर्यादीला दुखापत झाली. लोणावळा पोलीस पुढील तपास करीत आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– मावळ तालुक्यातील रिंग रोड बाधित शेतकऱ्यांवरील ‘संक्रात’ टळली ; ‘या’ गावांमधील शेतकऱ्यांना मिळाली मुदतवाढ
– मावळ तालुक्यातील पुणे ग्रामीण पोलीस दलाची ठाणी पिंपरी-चिंचवड आयुक्तालयाला जोडण्यास विरोध । Maval News
– ‘नियमित व वेळेवर कर्ज परतफेड करणाऱ्या शेतकऱ्यांना प्रोत्साहनपर अनुदान लवकर द्या, अन्यथा आंदोलन करणार’
