Dainik Maval News : एका नागरिकाची सोनसाखळी हिसकावणार्‍या पिकअप चालकाला देहूरोड पोलिसांनी अटक केली आहे. रविवारी (दि. २) पहाटे पाच वाजताच्‍या सुमारास देहूरोड येथे ही घटना घडली होती. याप्रकरणी जयवंत विष्णु माने (वय ४८, रा. राजे शिवाजी शाळेजवळ, लोकमान्य नगर, देहूरोड) यांनी देहूरोड पोलीस ठाण्‍यात फिर्याद दिली.
पोलिसांनी, तातडीने तपास करून संदिप बाबासाहेव ढाकरगे (वय २४, सध्‍या रा. गांदीवली बसस्टॉप, मच्छी मार्केट, कमांडो बार शेजारी, अंधेरी, मुंबई. मुळ रा. जि.प.शाळा मुपो मंठा जि जालना) या आरोपीला अटक केली आहे.
प्राप्त माहितीनुसार, फिर्यादी हे रविवारी पहाटे पाच वाजताच्‍या सुमारास ते शिंदे पेट्रोल पंप ते मुकाई चौक रस्‍त्‍यावरून पायी चालले होते. ते शितळादेवी मंदिराजवळ आले असता पिकअपमधून आलेल्‍या चोरट्याने फिर्यादीच्या गळ्यातील ४८ हजार रुपये किंमतीची १२ ग्रॅम वजनाची सोन्‍याची चैन हिसका मारून चोरून नेली. त्‍यानंतर पोलिसांनी तपास करून आरोपी निष्‍पन्‍न केला व त्‍यास अटक केली.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– आम्हाला पैसे नको ! लाडक्या बहिणींना अर्ज पडताळणीची धास्ती, योजनेचा लाभ नको म्हणत ‘इतक्या’ बहिणींची माघार । Ladki Bahin Yojana
– आयपीएस सत्यसाई कार्तिक यांच्याकडून कारवायांचा धडाका ! अंमली पदार्थ, गांजा विक्री व बेकायदा जुगार खेळणाऱ्यांवर गुन्हे दाखल
– बोरघाटातील मिसिंग लिंक प्रकल्पाला ‘वीर हुतात्मा शिंग्रोबा धनगर’ यांचे नाव देण्याची मागणी । Mumbai Pune Missing Link
