Dainik Maval News : पर्यटननगरी लोणावळा शहरापासून केवळ 17 ते 18 किलोमीटर अंतरावर असलेले राजमाची हे गाव, आजही विज, रस्ता, पाणी, शिक्षण यासारख्या प्राथमिक सोयी सुविधांपासून वंचित आहे. आधीच विकासाचा अभाव असलेल्या या गावातील ग्रामस्थांना मागील आठवड्याभरापासून एका नव्या समस्येने त्रस्त केले आहे. राजमाची ग्रामस्थांचे पशुधन सध्या संकटात आहे. एका बिबट सदृश्य वन्यप्राण्याचा वावर येथे असल्याने राजमाची ग्रामस्थ भयभीत झालेत.
समोर आलेल्या माहितीनुसार, शुक्रवारी (दि.21) सायंकाळी गावातील एका गोठ्याबाहेर बांधलेल्या एका वासरावर अज्ञात वन्य प्राण्याने हल्ला केला. ग्रामस्थांनी आरडाओरड केल्याने प्राण्याने तिथून पळ काढला. या हल्ल्यातील वासरू वाचू शकले नाही. गेली अनेक दिवसांपासून अशा घटना घडत आहेत. यात आदिवासी बांधवांच्या शेळ्या, पाळीव कुत्रे तसेच जनावरे ठार होत असून सदर वन्यप्राणी बिबट्या असल्याचे ग्रामस्थ सांगत आहेत.
पाळीव जनावरांवर हिंस्त्र श्वापदांचा हल्ला हीच केवळ राजमाची करांसाठी एकमेव समस्या नाही. तर नागरिकांच्या सर्वाधिक समस्या या वन खात्याशी निगडित आहेत. येथील बहुतांश जमीनी वनखात्याच्या अखत्यारीत असल्याने कोणत्याही विकासकामासाठी ग्रामस्थांना वनखात्याच्या मेहरबानीवर अवलंबून राहावे लागत आहे. राजमाची परिसरातील नागरिक वनखात्याच्या कायद्याच्या कचाट्यात पारतंत्र्यात असल्यासारखे जीवन जगत आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– प्रधानमंत्री आवास योजना – ग्रामीण टप्पा 2 अंतर्गत मावळ तालुक्यातील 1,602 लाभार्थींना मंजुरीपत्र वाटप । Maval News
– मोठी बातमी : लोणावळ्यात द्रुतगती मार्गाच्या पुलाखाली उभारण्यात आलेल्या अनधिकृत झोपड्यांवर प्रशासनाची धडक कारवाई । Lonavala
– दहावीच्या विद्यार्थ्यांना आमदार शेळकेंकडून खास पद्धतीने ‘ऑल दी बेस्ट’ ; संपूर्ण तालुक्यातील विद्यार्थ्यांसाठी मोफत बससेवा
