Dainik Maval News : गवळीमाथा भोसरी येथे एका डंपरने दुचाकीला पाठीमागून धडक दिली. या अपघातात दुचाकीस्वाराचा मृत्यू झाला. हा अपघात शनिवारी (दि. २२) सकाळी साडेनऊ वाजताच्या सुमारास घडला.
संतोष पांडुरंग काळे (वय ५०, रा. मोहननगर, चिंचवड) असे मृत्यू झालेल्या दुचाकीस्वाराचे नाव आहे. याप्रकरणी संतोष यांचे नातेवाईक संजय अंकुश सोनवणे (वय ४९, चिखली) यांनी एमआयडीसी भोसरी पोलीस ठाण्यात फिर्याद दिली आहे. त्यानुसार डंपर चालक विठू अप्पाराव खताळ (वय ५२, रा. थेरगाव) याच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी संजय सोनावणे यांचे मेहुणे संतोष काळे हे त्यांच्या दुचाकीवरून गवळीमाथा भोसरी येथून जात होते. तिथे त्यांच्या दुचाकीला पाठीमागून एका डंपरने धडक दिली. या अपघातात संतोष काळे यांचा मृत्यू झाला. एमआयडीसी भोसरी पोलीस तपास करीत आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– एमपीएससी परीक्षा यावर्षीपासून यूपीएससीच्या धर्तीवर होणार ; मुख्यमंत्री देवेंद्र फडणवीस यांची घोषणा
– ‘मावळात पर्यटन व्यवसाय वेगाने विकसित होतोय, स्थानिक तरूणांनी शेतीपूरक व्यवसायातून आर्थिक प्रगती साधावी’
– जल जीवन मिशन अंतर्गत पाणीपुरवठा योजनांना 2028 पर्यंत मुदतवाढ – पाणीपुरवठा मंत्री
