Dainik Maval News : पुणे-मुंबई महामार्गावरून चार मित्र कार मधून जात असताना कार चालवणाऱ्या मित्राचे कार वरील नियंत्रण सुटले आणि कार दुभाजकाला धडकून पलटी झाली. या अपघातात तिघेजण जखमी झाले तर एका मित्राचा मृत्यू झाला. हा अपघात शुक्रवारी (दि. २१) रात्री साडेदहा वाजताच्या सुमारास ताथवडे येथे घडला.
धनश्याम नंदकुमार महाडिक (वय २१, रा. मोशी) याचा मृत्यू झाला आहे. तर कुणाल सूर्यकांत सांगळे (वय ३२, रा. सुसगाव, पुणे), अजिंक्य दत्तात्रय आचार्य (वय ३५, रा. कोंढवा, पुणे), रोहित माने (वय ३०, रा. रावेत) हे जखमी झाले आहेत. कार चालक अजिंक्य आचार्य याच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, चारही मित्र शुक्रवारी रात्री कुणाल सांगळे यांच्या कार मधून पुणे-मुंबई महामार्गावरून जात होते. अजिंक्य हा कार चालवत होता. ताथवडे येथे आल्यानंतर अजिंक्य याचे कार वरील नियंत्रण सुटले आणि कार दुभाजकाला धडकली. कार रत्यावर पलटी झाली. या अपघातात धनश्याम महाडिक याचा मृत्यू झाला. तर तिघेजण जखमी झाले आहेत. हिंजवडी पोलीस तपास करीत आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– एमपीएससी परीक्षा यावर्षीपासून यूपीएससीच्या धर्तीवर होणार ; मुख्यमंत्री देवेंद्र फडणवीस यांची घोषणा
– ‘मावळात पर्यटन व्यवसाय वेगाने विकसित होतोय, स्थानिक तरूणांनी शेतीपूरक व्यवसायातून आर्थिक प्रगती साधावी’
– जल जीवन मिशन अंतर्गत पाणीपुरवठा योजनांना 2028 पर्यंत मुदतवाढ – पाणीपुरवठा मंत्री
