Dainik Maval News : मावळ लोेकसभा मतदारसंघात असलेल्या लोहगड किल्यावरील कामाची खासदार श्रीरंग बारणे यांनी गुरुवारी (दि. 17) पाहणी केली. किल्ल्यावरील बुरुजाची डागडुजी, पायऱ्यांची दुरुस्ती करण्याच्या सूचना त्यांनी अधिकाऱ्यांना दिल्या आहेत. लोहगड किल्ल्याचा लवकरच जागतिक वारसा स्थळात समावेश होणार असल्याचा विश्वासही खासदार बारणे यांनी व्यक्त केला.
खासदार बारणे यांनी लोहगड किल्याला भेट दिली. संपूर्ण गडावर फिरुन पाहणी केली. गडावर चाललेल्या कामाचा आढावा घेतला. यावेळी पुरातत्व विभागाचे पुणे विभागाचे अधिकारी गजानन मांढवरे, शिवप्रेमी प्रतिष्ठानचे अध्यक्ष सचिन टेकाळे, शिवसेनेचे शरदराव हुलावळे, राजेंद्र तरस, माजी सभापती गणेश धानीवले, अलका धानीवले, राम सावंत, चंद्रकांत बोते, अमित कुंभार, विशाल हुलावळे, सरपंच सोनाली बैवरे, उपसरपंच पंढरीनाथ विखार, सुनील हगवणे, मुन्ना मोरे, दत्ता केदारी, कमलेश शेळके, सचिन भोरडे, नितीन देशमुख, राजू गुजर आदी उपस्थित होते.
- खासदार बारणे म्हणाले, लोहगड किल्याच्या पायथ्याशी शिवस्मारकाचे काम अर्धवट आहे. शिवस्मारकाचे काम पूर्णत्वास नेले जाणार आहे. किल्ले संवर्धन, सुशोभीकरण करण्याबाबत केंद्रीय पर्यटन मंत्री गजेंद्रसिंह शेखावत आणि राज्याचे पर्यटन मंत्री शंभुराज देसाई यांची भेट घेणार आहे. लोहगड किल्ल्याचा जागतिक वारसा स्थळात समावेश करण्यासाठी केंद्र सरकारकडे पाठपुरावा केला होता. त्यानुसार लवकरत किल्ल्याचा जागतिक वारसा स्थळात लवकरच समावेश होणार आहे.
किल्ल्यावरील बुरुजाची डागडुजी, पायऱ्यांची दुरुस्ती करण्यासाठी केंद्र सरकारने अडीच कोटी रुपयांचा निधी दिला होता. या निधीतून पुरातत्व विभागाने मोठ्या प्रमाणात कामे केली आहेत. किल्ल्यावरील बुरुजाची डागडुजी, पायऱ्यांची दुरुस्ती करण्याच्या सूचना दिल्या आहे.
लोहगडासह मावळात विसापूर, तुंग, तिकोना, राजमाची किल्ले आहेत. जवळच कार्ला, भाजे लेणी आहे. त्यामुळे किल्यांवर पर्यटक मोठ्या संख्येने येतात. पर्यटन वाढीबरोबरच छत्रपती शिवाजी महाराजांचा इतिहास आजच्या पिढीला माहिती व्हावा, यासाठी प्रयत्न केले जात आहेत. गड किल्ल्यांवर येणारे शिवप्रेमी, शिवभक्त, पर्यटकांसाठी पिण्याचे पाणी, स्वच्छतागृहाची व्यवस्था करण्यात येणार असल्याचे खासदार बारणे यांनी सांगितले.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– सहारा ग्रुपवर ईडीची कारवाई ; अ‍ॅम्बी व्हॅली सिटी येथे 707 एकर जमीन जप्त, बनावट नावांनी खरेदी केली होती जमीन
– वडगाव मावळ येथे सलग बारा तास महावाचन ; शासकीय कर्मचाऱ्यांकडून महापुरुषांना अनोख्या पद्धतीने अभिवादन
– महत्वाची बातमी : शिधावाटप दुकानदारांच्या कमिशनमध्ये प्रतिक्विंटल 20 रुपये वाढ करण्याचा निर्णय
– मोठी बातमी : नगरपरिषद, नगरपंचायत, औद्योगिक नगरीच्या अध्यक्षांना हटविण्याचे अधिकार आता सदस्यानांच
