Dainik Maval News : तळेगाव – चाकण रस्त्यावर इंदुरी गावाच्या हद्दीतील भंडारा लॉन्स कार्यालयासमोर एका अज्ञात वाहनाने धडक दिल्याने मोटार सायकलस्वार जागीच ठार झाला. मंगळवारी (दि. २२ एप्रिल) सायंकाळी सव्वा पाचच्या सुमारास हा अपघात घडला.
तळेगाव एमआयडीसी पोलीस ठाण्याचे पोलीस उपनिरीक्षक प्रशांत रेळेकर यांनी दिलेल्या माहितीनुसार जयद्रथ रामभाऊ किरतकर्वे (वय ५५ वर्षे, रा. इंदोरी, ता. मावळ) हे आपल्या मोटार सायकल (क्र.एम.एच.१४ जे.डब्ल्यू- १८५६) वरुन चाकणहून इंदोरीकडे येत असताना अज्ञात वाहनाने त्यांना धडक दिली. त्यात ते गंभीर जखमी झाले.
अपघातानंतर अज्ञात वाहन चालक न थांबता, कोणतीही वैद्यकीय मदत उपलब्ध करून न देता वाहनासह पसार झाला. तळेगाव दाभाडे येथील खासगी रुग्णालयात किरतकर्वे यांना दाखल केले असता उपचारापूर्वीच मृत झाल्याचे डॉक्टरांनी सांगितले.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– पहलगाम येथील भ्याड दहशतवादी हल्ल्याचा लोणावळा शहरात सर्वपक्षीयांकडून तीव्र निषेध । Lonavala News
– पहलगाम येथील दहशतवादी हल्ल्याच्या निषेधार्थ वडगाव मावळ येथील सर्वपक्षीय मशाल रॅली । Vadgaon Maval
– कामशेतमध्ये सर्वपक्षीय पदाधिकाऱ्यांकडून पहलगाम येथील क्रूर हल्ल्याचा जाहीर निषेध । Kamshet News
