Dainik Maval News : लोणावळा शहरातील विविध नागरी आणि पर्यटक-संबंधित समस्यांवर तोडगा काढण्यासाठी शिवशाही व्यापारी संघाने लोणावळा नगरपरिषदेचे मुख्याधिकारी आणि लोणावळा शहर पोलीस निरीक्षक यांच्याकडे निवेदन सादर केले आहे. या निवेदनात शहराच्या विकासासाठी आणि नागरिकांच्या सोयीसाठी अनेक महत्त्वाच्या मागण्या करण्यात आल्या आहेत.
प्रमुख मागण्या :
1. पर्यटनस्थळे खुली ठेवणे: पावसाळ्यात पर्यटनस्थळे (पॉइंट्स) बंद न करण्याची मागणी करण्यात आली आहे, जेणेकरून स्थानिक व्यापाऱ्यांचे होणारे आर्थिक नुकसान टाळता येईल.
2. वाहतूक व्यवस्था सुधारणे: शहरातील वाढत्या वाहतूक कोंडीवर नियंत्रण मिळवण्यासाठी वाहतूक सुरळीत ठेवणे, ट्रॅफिक नियंत्रणासाठी होमगार्ड्सची नियुक्ती करणे आणि ‘पे अँड पार्क’ व ‘वन-वे’ व्यवस्था पुन्हा सुरू करण्याची मागणी करण्यात आली आहे.
3. पावसाळ्यापूर्वीची तयारी: धोकादायक झाडांची छाटणी करणे, रस्त्यांची डागडुजी करणे आणि उघडी गटारे स्वच्छ करण्याची मागणी करण्यात आली आहे, जेणेकरून पावसाळ्यात उद्भवणाऱ्या समस्या कमी होतील.
4. सुरक्षितता आणि सुव्यवस्था: अपघात रोखण्यासाठी कडक कारवाई करणे आणि वाढत्या चोरीच्या घटनांवर नियंत्रण ठेवण्यासाठी शहरात सीसीटीव्ही कॅमेरे बसवण्याची मागणी करण्यात आली आहे.
शिवशाही व्यापारी संघाने प्रशासनाला या मागण्यांवर त्वरित कार्यवाही करण्याची विनंती केली आहे, जेणेकरून लोणावळ्यातील नागरिक आणि पर्यटक दोघांनाही सुरक्षित आणि सुखकर वातावरण मिळेल.
हे निवेदन सादर करताना शिवशाही व्यापारी संघाचे अध्यक्ष (मावळ लोकसभा मतदारसंघ) कृष्णा वसंत साबळे, महाराष्ट्रीय ब्राह्मण समाज लोणावळ्याचे शहरप्रमुख सुधीर भाऊ राईलकर, मावळ तालुक्याचे कायदेशीर सल्लागार रोहन लोखंडे, शिवशाही व्यापारी संघाचे खंडाळा शहरप्रमुख बिपीन मंडलिक, प्रसाद मंडलिक, इत्यादी मान्यवर उपस्थित होते.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– आंबी मावळ येथील अत्याधुनिक तंत्रज्ञानयुक्त मल्टीस्पेशालिटी रुग्णालयाचे मुख्यमंत्र्यांच्या हस्ते उद्घाटन । Maval News
– नाणे मावळातील करंजगाव ग्रुप ग्रामपंचायतीच्या सरपंचपदी कौशल्या पवार यांची निवड । Maval News
– आगामी स्थानिक स्वराज्य संस्थांच्या निवडणुकीच्या पार्श्वभूमीवर मावळ तालुका शिवसेना पदाधिकाऱ्यांची बैठक । Maval News
