Dainik Maval News : तळेगाव दाभाडे जवळील इंदोरी येथील ब्रिटिशकालीन पुलावरुन बुधवारी (दि. १८ जून) इंद्रायणी नदीत उडी घेऊन जीवन संपवलेल्या तरुणाची ओळख अखेर पटली आहे.
पोपट पांडुरंग साळवे (वय ३९, मूळ राहणार छत्रपती संभाजीनगर, सध्या रा. निघोजे) असे सदर तरूणाचे नाव आहे. तो एका कंपनीत सुरक्षारक्षक पदावर कार्यरत होता. आर्थिक अडचणींमुळे त्याने जीवन संपवल्याची प्राथमिक माहिती पोलीस तपासात समोर आली आहे.
बुधवारी (दि. २५ जून) कुंडमळा परिसरात नदीमध्ये एक मृतदेह तरंगताना आढळून आल्याची माहिती तळेगाव दाभाडे एमआयडीसी पोलीस स्टेशनला मिळाली. पोलीस उपनिरीक्षक प्रशांत रेळेकर आणि पोलीस कॉन्स्टेबल कोठावळे आणि दंडगुले यांनी तात्काळ घटनास्थळी धाव घेतली.
स्थानिक नागरिकांच्या मदतीने मृतदेह बाहेर काढण्यात आला. मृतदेहाजवळ सापडलेल्या मोबाईलच्या साहाय्याने तांत्रिक तपास करत सदर मृत व्यक्तीची ओळख पटवण्यात पोलिसांना यश आले आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– तळेगाव एमआयडीसी औद्योगिक क्षेत्र भयमुक्त राहण्यासाठी पोलीस कटिबद्ध ; पोलीस आयुक्त विनयकुमार चौबे यांचे आश्वासन
– आषाढी यात्रेसाठी ५ हजार २०० विशेष बस सोडणार ; ग्रुप बुकींग असल्यास कोणत्याही गावातून थेट पंढरपूरपर्यंत एसटी मिळणार
– Jeevan Bhalerao : परदेशातून पदवी घेत आईवडिलांचे स्वप्न केले साकार; हिंजवडी येथील ‘जीवन’चा कुंभार समाजातील युवकांपुढे नवा आदर्श
