Dainik Maval News : अलीकडेच जीएसटी कौन्सिलच्या बैठकीत १२०० सीसी पर्यंत पेट्रोल इंजिन, १५०० सीसी पर्यंत डिझेल इंजिन आणि ४ मीटरपेक्षा कमी लांबी असलेल्या कारवर १८ टक्के जीएसटी आकारण्याचा निर्णय घेण्यात आला. परिणामी, टाटा मोटर्सने त्यांच्या संपूर्ण वाहन श्रेणीतील कारच्या किमती कमी करण्याची घोषणा केली आहे.
वस्तू आणि सेवा कर (जीएसटी सुधारणा) स्लॅबमध्ये मोठे बदल केल्यानंतर, देशातील आघाडीची ऑटोमोबाईल उत्पादक कंपनी टाटा मोटर्सने अधिकृतपणे त्यांच्या कारच्या किमतीत कपात करण्याची घोषणा केली.
टाटा मोटर्सने त्यांच्या सर्वात स्वस्त कार टाटा टियागोपासून ते प्रसिद्ध एसयूव्ही टाटा सफारीपर्यंत सर्व वाहनांच्या किमतीत बदल केले आहेत. कारच्या किमतीतील ही कपात २२ सप्टेंबर २०२५ पासून देशभरातील डीलरशिपवर लागू होईल.
कार आणि कमी झालेली किंमत :
टाटा कारचे मॉडेल – कमी झालेली किंमत (रुपयात)
टियागो – 75,000 रु.
टिगोर – 80,000 रु.
अल्ट्रोज – 1,10,000 रु.
पंच – 85,000 रु.
नेक्सॉन – 1,55,000 रु.
कर्व्ह – 65,000 रु.
हॅरियर – 1,40,000 रु.
सफारी – 1,45,000 रु.
(टीप – कमी झालेली किंमत सह कारच्या संपूर्ण किमतीसाठी जवळील डिलरसोबत संपर्क साधा)
टाटा मोटर्स चे मावळ तालुक्यातील अधिकृत डिलर असलेले पंचजन्य ऑटोमोबाईल च्या मॅनेजर स्नेहल काळे यांनीही ‘टाटा’ कंपनीकडून ग्राहकांना दिलेल्या या खास गिफ्टचे स्वागत केले आहे. तसेच मावळ तालुक्यातील ग्राहकांना जीएसटी सवलतीसह टाटाची कार खरेदी करण्याचे आवाहन केले आहे. मावळ तालुक्यात तळेगाव दाभाडे येथे पंचजन्य ऑटोमोबाईल हे टाटा मोटर्सचे अधिकृत शोरूम असून येथे जीएसटी सवलतीसह कार खरेदी करता येणार आहे.
सणासुदीच्या काळात ग्राहकांना होणार फायदा :
टाटा मोटर्सने ही घोषणा भारतात लवकरच सुरू होणाऱ्या सणासुदीच्या हंगामाच्या अगदीच आधी केली आहे, जो पारंपारिकपणे वाहन विक्रीचा सर्वोच्च काळ मानला जातो. अपेक्षित वाढत्या मागणीमुळे कंपनीने ग्राहकांना आगाऊ बुकिंग करण्याचा सल्ला दिला आहे.
जीएसटीमध्ये कपात टाटा मोटर्सच्या संपूर्ण प्रवासी वाहन श्रेणीवर लागू होईल. यामध्ये, ग्राहकांना एंट्री-लेव्हल हॅचबॅक टियागोवर जास्तीत जास्त ७५,००० रुपयांची बचत मिळेल. त्याचप्रमाणे, टिगोरवर जास्तीत जास्त ८०,००० रुपयांची आणि लोकप्रिय कॉम्पॅक्ट एसयूव्ही पंचवर ८५,००० रुपयांची सवलत मिळेल. त्याच वेळी, सर्वात मोठी कपात नेक्सॉनमध्ये दिसून आली आहे, ज्याची किंमत १.५५ लाख रुपयांनी कमी झाली आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– वडगाव मावळ न्यायालयासाठी मंजूर १०९ कोटी निधीतून भव्य इमारत उभारण्याचा निर्णय ; आमदार सुनील शेळके यांच्या उपस्थित बैठक संपन्न
– गाडीची पीयूसी सोबत नसेल तर पेट्रोल-डिझेल मिळणार नाही? पाहा काय आहे सरकारचे नवीन धोरण । No PUC No Fuel Initiative
– शेतकऱ्यांनो.. तुमच्या खात्यात पैसे आले का चेक करा ; मुख्यमंत्र्यांच्या हस्ते ‘नमो शेतकरी महासन्मान योजने’चा सातवा हप्ता वितरित
