Dainik Maval News : वडगाव नगरपंचायत सार्वत्रिक निवडणूक 2025 मध्ये राष्ट्रवादी काँग्रेस पार्टी पक्षाच्या नगराध्यक्ष पदाच्या अधिकृत उमेदवार असलेल्या अबोली मयुर ढोरे यांनी शुक्रवारी वडगांव मधील मस्जीद येथे भेट देऊन दर्शन घेतले. तसेच येथील मुस्लीम बांधवांसोबत सुसंवाद साधत त्यांचे आशीर्वाद घेतले.
वडगांव शहराची खरी ओळख ही पूर्वापार चालत आलेला भाईचारा, एकोपा आणि परस्पर आदर आहे. हीच आपल्या वडगांवची परंपरा आहे, ज्याचा आम्हाला अभिमान आहे, असे अबोली ढोरे यांनी दैनिक मावळसोबत बोलताना सांगितले.
माजी नगराध्यक्ष मयूर ढोरे यांनी त्यांच्या कार्यकाळात जामा मस्जिद परिसरात केलेल्या विकासकामांमुळे मुस्लिम बांधवांनी वडगाव नगरपंचायत निवडणुकीतील नगराध्यक्ष पदाच्या उमेदवार असलेल्या अबोलीताई ढोरे आणि राष्ट्रवादी काँग्रेसच्या सर्व उमेदवारांच्या पाठीशी आहोत, असा विश्वास व्यक्त केला.
सर्व धर्मीय बांधवांनी एकत्र येऊन, प्रेमाने आणि सलोख्याने राहणे, हेच आपल्या वडगांवच्या विकासाचे आणि प्रगतीचे रहस्य आहे. या एकजुटीमुळेच आपले वडगांव अधिक सुंदर आणि समृद्ध होईल, असे मयुर ढोेरे यांनी सांगितले. याप्रसंगी अनेक मान्यवर उपस्थित होते.
( दैनिक मावळचा व्हॉट्सअ‍ॅप चॅनेल जॉइन करण्यासाठी इथे क्लिक करा )
अधिक वाचा –
– मोठी बातमी ! महाराष्ट्रातील स्थानिक स्वराज्य संस्थांच्या निवडणुका ठरलेल्या वेळेत होणार ; सुप्रीम कोर्टाचा महत्वपूर्ण निकाल
– मोठी बातमी ! घरफोडीतील आरोपींचा पोलिसांवर गोळीबार ; सोमाटणे फाटा येथे पाठलाग सुरू असतानाचा थरार, आरोपी जेरबंद
– Lonavala Election : राष्ट्रवादी काँग्रेस पार्टीने लोणावळ्यात घेतलेल्या ‘त्या’ एका निर्णयाचे राज्यभर होतंय कौतुक, विरोधकांनीही मानलं…
