Dainik Maval News : वडगाव मावळ शहर परिसरातील डोंगराळ भागात सध्या बिबट्याचा वावर आढळून आला आहे. वडगाव शहरातील लोकवस्तीचा भाग असलेल्या केशवनगर येथे गेले काही बिबट्याचे दर्शन झाले आहे. यापार्श्वभूमीवर स्थानिक नागरिकांमध्ये भीतीचे वातावरण आहे. त्यामुळे तातडीने बिबट्याचा बंदोबस्त करण्यात यावा, यासाबत अॅड. मृणाल गुलाबराव म्हाळसकर यांनी वनविभागाला निवेदन दिले आहे.
निवेदनात म्हटले आहे की, “वडगाव शहरात बिबट्याचा वावर आढळल्याने नागरिकांच्या सुरक्षिततेसाठी आम्ही तातडीने वनविभागाशी संपर्क साधला आहे. राज्यभरातील अनेक नागरी वसाहतींमध्ये बिबट्यांचे प्रमाण वाढले असून दुर्दैवाने अनेक निष्पाप नागरिकांना जीव गमवावा लागला आहे. वडगावमध्ये अशी दुर्दैवी घटना घडू नये यासाठी हे निवेदन देण्यात आले आहे.” तसेच, वनविभागाने या गंभीर परिस्थितीची तात्काळ दखल घेऊन पुढील उपाययोजना करण्याची मागणीही करण्यात आली आहे
बिबट्याचा तातडीने शोध घेण्याची ग्रामस्थांनी मागणी केली आहे. यासाठी पिंजरे लावून जेरबंद करण्याची मोहीम आखण्यात आली आहे. त्याचबरोबर पकडलेल्या प्राण्याला सुरक्षित वनक्षेत्रात हलविणे, नागरिकांना आवश्यक खबरदारीचे मार्गदर्शन करण्यात आले आहे.
अॅड. मृणाल म्हाळसकर यांनी स्पष्ट केले की, “नागरिकांच्या जीविताची सुरक्षा ही आमची सर्वोच्च प्राथमिकता आहे. वडगावमधील प्रत्येक नागरिक सुरक्षित राहावा यासाठी आम्ही पूर्णपणे कटिबद्ध आहोत.” असे देखील त्या म्हणाल्या आहेत. वडगाव शहरात वाढलेल्या या धोक्याच्या पार्श्वभूमीवर वनविभागाने तातडीने कार्यवाही करावी, अशी जोरदार मागणी करण्यात येत आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा –
– मोठी बातमी ! महाराष्ट्रातील स्थानिक स्वराज्य संस्थांच्या निवडणुका ठरलेल्या वेळेत होणार ; सुप्रीम कोर्टाचा महत्वपूर्ण निकाल
– मोठी बातमी ! घरफोडीतील आरोपींचा पोलिसांवर गोळीबार ; सोमाटणे फाटा येथे पाठलाग सुरू असतानाचा थरार, आरोपी जेरबंद
– Lonavala Election : राष्ट्रवादी काँग्रेस पार्टीने लोणावळ्यात घेतलेल्या ‘त्या’ एका निर्णयाचे राज्यभर होतंय कौतुक, विरोधकांनीही मानलं…
