Dainik Maval News : वडगाव नगरपंचायत मधील नवनिर्वाचित नगराध्यक्ष आणि नगरसेवक यांचा मंगळवारी (दि. ६) पदग्रहण सोहळा आयोजित करण्यात आला होता. आमदार सुनील शेळके, गणेश खांडगे, भास्करराव म्हाळसकर, गणेशआप्पा ढोरे, गुलाबराव म्हाळसकर, बाळासाहेब ढोरे, पंढरीनाथ ढोरे आदी मान्यवरांच्या उपस्थितीत हा सोहळा संपन्न झाला. यादरम्यान आमदार सुनील शेळके यांनी आपल्या मनोगतात वडगाव नगरपंचायतीचे नवनिर्वाचित नगरसेवक सुनील गणेश ढोरे यांची वडगाव नगरपंचायतीच्या पाणीपुरवठा समिती सभापती पदी घोषणा केली.
आपल्या मनोगतात बोलताना आमदार सुनील शेळके म्हणाले, “सुनीलभाऊ मी जाहीरपणे सांगतो, तुम्ही सगळ्यांमध्ये सिनियर आहात. शहरात ४० – ४२ कोटीची पाणीयोजना सुरूये. अजुन पाच – दहा कोटी रुपये लागले, तर ते उभे करू. पण सभापती म्हणून तुम्हालाच जबाबदारी स्वीकारावी लागेल, या शहरातील सर्व पाण्याची व्यवस्था सर्वांना सोबत घेऊन तुम्हाला करावी लागेल. त्यातील तांत्रिक गोष्टी तुम्हाला समजतात. काही अडचणी आल्या तरीही त्या तुम्ही दूर करू शकता. तुम्ही व्यावसायिक देखील आहात, आणि त्यामुळे यातील त्रुटी तुम्हाला समजू शकतात. म्हणून ही महत्वाकांक्षी योजना कुणा नवख्याच्या ताब्यात न देता ती अनुभवी व्यक्तीच्या ताब्यात दिली पाहिजे.”
नगरपंचायत पाणीपुरवठा व जलनिःसारण समिती ही नगरपालिकेतील एक महत्त्वाची उपसमिती आहे, जी शहराला स्वच्छ पाणीपुरवठा करणे, सांडपाण्याची व्यवस्था करणे, स्वच्छता राखणे आणि पाणी व स्वच्छता योजनांची अंमलबजावणी व देखभाल करणे यासाठी जबाबदार असते. यामध्ये पाणीपुरवठा, मलनिस्सारण, घनकचरा व्यवस्थापन आणि स्वच्छतेच्या कामांचा समावेश असतो आणि यासाठी विशेष अभियंता व कर्मचारी नेमलेले असतात.
समितीची मुख्य कार्ये :
1. पाणीपुरवठा व्यवस्थापन : पिण्याच्या पाण्याची योजना आखणे, अंमलबजावणी करणे, वितरण करणे आणि देखरेख ठेवणे.
2. जलनिःसारण : सांडपाणी व्यवस्थापन (Sewerage System) आणि गटार व्यवस्थापनाची कामे करणे.
3. स्वच्छता : घनकचरा व्यवस्थापन, वैयक्तिक व सार्वजनिक शौचालयांची देखभाल आणि स्वच्छतेची खात्री करणे.
4. योजनांची अंमलबजावणी : केंद्र व राज्य शासनाच्या पाणीपुरवठा आणि स्वच्छता योजना (उदा. जल जीवन मिशन) स्थानिक पातळीवर राबवणे.
5. ग्राहक सेवा : पाणीपट्टी आकारणे आणि पाणीपुरवठा व स्वच्छतेच्या सेवांसाठी शुल्क निश्चित करणे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा –
– काँग्रेसचे ज्येष्ठ नेते सुरेश कलमाडी यांचे निधन ; भारतीय हवाई दलात पायलट ते केंद्रीय मंत्री, अशी होती कलमाडी यांची कारकीर्द
– श्रीक्षेत्र भंडारा डोंगर येथे २३ जानेवारीपासून भव्य गाथा व ज्ञानेश्वरी पारायण आणि कीर्तन महोत्सवाचे आयोजन ; कार्यक्रमाची जोरदार तयारी
– ‘एफडीए’ची मावळात आजपर्यंतची सर्वात मोठी कारवाई ! टाकवे बुद्रुक हद्दीतील कंपनीत टाकलेल्या छाप्यात साडेएकतीस कोटींचा मुद्देमाल जप्त
