Dainik Maval News : जिल्हा परिषद, पंचायत समिती निवडणुकांमध्ये दोन्ही राष्ट्रवादी काँग्रेस एकत्र लढेल, अशी चर्चा होत असताना पुणे जिल्ह्यात आंबेगाव पाठोपाठ मावळ तालुक्यात देखील दोन्ही राष्ट्रवादी काँग्रेस स्वबळावर लढणार हे आता स्पष्ट झाले आहे.
अजित पवार यांचा राष्ट्रवादी काँग्रेस पक्ष आणि शरद पवार यांचा राष्ट्रवादी काँग्रेस पक्ष दोन्ही राष्ट्रवादी वेगवेगळ्या पद्धतीने आपले उमेदवार निवडणुकीत देत आहे. आमदार सुनील शेळके यांनी आम्हाला विश्वासात घेतले नाही, त्यामुळे ही आघाडी होऊ शकली नाही, असे शरद पवार यांच्या राष्ट्रवादीचे तालुकाध्यक्ष दत्तात्रय पडवळ यांनी सांगितले.
तसेच, आता आम्ही महाविकासआघाडी म्हणून लढतोय. आमचा सामना अजित पवारांची राष्ट्रवादी आणि भाजपा यांच्या विरोधात असेल, असे पडवळ यांनी म्हटले आहे.
राष्ट्रवादी काँग्रेस शरदचंद्र पवारांचा पक्ष, काँग्रेस, वंचित, मनसे, आणि ठाकरे गट आम्ही सर्वजण युतीमध्ये लढतो आहे. जिल्ह्यात किंवा पुण्यात दोन्ही राष्ट्रवादींची युती झाली असली तरी स्थानिक पातळीवर आमच्या इथे आम्हाला विश्वासात न घेता अजित पवारांच्या पक्षाने उमेदवाऱ्या जाहीर केल्या, त्यामुळे आम्ही आमच्या पक्षाच्या वरिष्ठांना कळवलं आणि आम्ही आमचे उमेदवार तुतारीवर लढवणार आहे, आणि त्यांच्या पक्षाने उभ्या केलेल्या उमेदवाराच्या विरोधात आम्ही उमेदवार देणार आहे, असे पडवळ यांनी सांगितले.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा –
– भाजपाचा विजयी सूर मावळमध्ये चमत्कार घडविणार? मावळ भाजपाला जिल्हा परिषद, पंचायत समिती निवडणुकीत नवसंजिवनीची अपेक्षा
– महत्वाची बातमी ! सायकल स्पर्धेकरिता मावळमधील प्रमुख रस्त्यांवरील वाहतुकीत बदल करण्याचे जिल्हाधिकाऱ्यांचे आदेश
– मावळचा लेक बनला मुंबईचा नगरसेवक ! मावळातील पारिठेवाडी येथील मंगेश पांगारे मुंबई मनपा निवडणुकीत नगरसेवकपदी विजयी
– वडगावची लढाई आणि ऐतिहासिक तह.. मराठ्यांच्या इतिहासातील सोनेरी पान : पानिपतावरील पराभवाचा वचपा मराठ्यांनी मावळभूमीवर काढला
