Dainik Maval News : राज्यात सध्या जिल्हा परिषद आणि पंचायत समिती च्या निवडणुका होत आहेत. राज्यातील १२ जिल्हा परिषदा आणि १२५ पंचायत समित्यांची निवडणुक होत असतानाच बुधवारी (दि. २८) सकाळी राज्याचे उपमुख्यमंत्री अजित पवार यांचे बारामती येथे विमान अपघातात दुःखद निधन झाले. अजित पवार यांच्या अकाली निधनानंतर संपूर्ण महाराष्ट्र सुन्न आणि स्तब्ध झाला.
तसेच अजितपवार यांच्या निधनानंतर राज्य सरकारने तीन दिवसांचा शासकीय दुखवटा जाहीर केला. यादरम्यान मावळ तालुक्यात मावळच्या माजी आमदार रुपलेखा ढोरे यांचेही बुधवारी निधन झाले. त्यामुळे मावळ तालुक्यातील जिल्हा परिषद आणि पंचायत समिती निवडणुकांचा प्रचार देखील पूर्णपणे थांबला असल्याचे चित्र आहे.
मावळ तालुक्यात अजित पवार यांच्या राष्ट्रवादी काँग्रेस पार्टीचे विद्यमान आमदार सुनील शेळके हे असून मावळात राष्ट्रवादी काँग्रेसची मोठी ताकद आहे. दुसरीकडे अजित पवार हे सर्वपक्षीय नेत्यांशी सलोख्याने वागणारे नेते असल्याने इतर पक्षांतील नेते, पदाधिकारी, कार्यकर्ते हे देखील अजितदादांच्या जाण्याचे हळहळले. एकूणच अजित पवार यांच्या निधनानंतर राष्ट्रवादी काँग्रेस, भाजपा आणि सर्वच पक्ष अपक्ष नेते, पदाधिकारी, उमेदवार यांनी बुधवारपासून प्रचाराला जवळपास स्वल्पविराम दिला.
दरम्यान राज्य सरकारने जाहीर केलेला तीन दिवसीय दुखवटा शुक्रवारी ३० जानेवारी नंतर संपेल आणि कदाचित त्यानंतर मावळात जिल्हा परिषद आणि पंचायत समिती निवडणुकांसाठी प्रचार पुन्हा सुरू होईल, असे दिसते. तसेच दादांच्या निधनानंतर आणि शासकीय दुखवटा गृहित धरून राज्य निवडणूक आयोगाने जिल्हा परिषद, पंचायत समिती निवडणुका देखील दोन दिवस पुढे ढकलल्या असून आता ५ ऐवजी ७ फेब्रुवारीला मतदान तर ७ ऐवजी ९ फेब्रुवारीला मतमोजणी होईल.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– महाराष्ट्राच्या राजकारणाला असलेला शाप ! दादा – आबा – साहेब … अनेक दिग्गजांनी घेतलीये अकाली एक्झिट
– मावळची विकासरेखा हरवली ! मावळ विधानसभेच्या माजी आमदार रुपलेखा ढोरे यांचे अल्प आजाराने निधन
– महाराष्ट्राचे लाडके ‘दादा’ पंचतत्वात विलीन.. लाखो चाहते कार्यकर्त्यांकडून अजित पवार यांना साश्रूनयनांनी अखरेचा निरोप
– Photo : अजित दादा पवार यांचे कधीही न पाहिलेले दुर्मिळ फोटो
