Dainik Maval News : स्वामी विवेकानंद इंग्लिश मीडियम स्कूल, तळेगाव दाभाडे येथे मावळ तालुक्यातील इयत्ता चौथीच्या वर्गाला शिकविणाऱ्या शिक्षकांची शिष्यवृत्ती कार्यशाळा मोठ्या उत्साहात संपन्न झाली. यावेळी मावळ तालुक्यातील जिल्हा परिषद, लोणावळा नगरपरिषद व तळेगाव दाभाडे नगरपरिषद येथील इयत्ता चौथीला शिकविणारे २२८ शिक्षक उपस्थित होते.
कार्यशाळेच्या उद्घाटन मावळ पंचायत समितीच्या गटशिक्षण अधिकारी शिल्पा रोडगे, डोळसनाथ महाराज शिक्षण प्रसारक मंडळाचे सचिव मिलिंद शेलार, केंद्रप्रमुख निर्मला काळे, मुख्याध्यापिका रेणू शर्मा यांच्या उपस्थित झाले. शिष्यवृत्ती परीक्षा ही सर्व स्पर्धा परीक्षांचा पाया असून ग्रामीण भागातील विद्यार्थी हे कशातच कमी नाहीत असे मत गटशिक्षण अधिकारी शिल्पा रोडगे यांनी व्यक्त केले.
मावळातील शिक्षक हे विद्यार्थीप्रिय असून शिष्यवृत्ती परीक्षेत निश्चित यश संपादन करतील असे मिलिंद शेलार यांनी सांगितले. या कार्यशाळेत तज्ञ मार्गदर्शक म्हणून मंगल आहेर, वैशाली अनंतकर, मैना सरवदे, उमेश माळी यांनी कामकाज पाहिले. कार्यशाळेचे संयोजन व सूत्रसंचालन ज्योती लावरे यांनी केले. सविता पाटील, साधना काळे, बिल्कीस अन्सारी, नवनाथ दर्शले यांनी सहकार्य केले तर आभार सुहास धस यांनी मानले.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– महाशिवरात्रीसाठी श्री भीमाशंकर मंदिर बंद राहणार ; भव्य सभामंडप उभारणीचे काम व परिसर विकासकामे वेगात सुरू
– लोणावळ्यात नाश्त्यासाठी थांबला अन् फेरफटका मारायला गेला.. प्रसिद्ध कलाकाराच्या एकुलत्या एक मुलाचा दुर्दैवी मृत्यू
– मावळ पंचायत समितीवर राष्ट्रवादी काँग्रेसचा झेंडा ; भाजपाची २५ वर्षांची सत्ता उलथवून टाकली
