Dainik Maval News : तळेगाव दाभाडे नगरपरिषद प्रशासनाने शहरातील बेकायदेशीर नळजोड विरुद्ध मोहीम सुरू केली आहे. अनधिकृत नळजोड घेणाऱ्या मालमत्ताधारकांविरुद्ध कठोर पावले उचलण्यास सुरुवात केली आहे. याअंतर्गत नगरपरिषदेच्या पाणी पुरवठा विभागातर्फे राबविण्यात आलेल्या मोहिमेत आतापर्यंत दहा मालमत्ताधारकांच्या अनधिकृत नळ जोडण्या खंडीत करण्यात आल्या आहेत.
नगरपरिषद प्रशासनाने दिलेल्या माहितीनुसार शहरात विविध भागात अनेक ठिकाणी विनापरवाना नळ जोडण्या घेतल्या गेल्या असल्याच्या तक्रारी प्राप्त झाल्या होत्या. त्या पार्श्वभूमीवर ही विशेष मोहीम हाती घेण्यात आली आहे. आतापर्यंत दहा नळ जोडण्या बंद करण्यात आल्या असून येणाऱ्या काळातही ही मोहीम अधिक तीव्र आणि व्यापक करण्यात येणार आहे.
ज्या मालमत्ताधारकांनी अद्याप आपली नळ जोडणी रीतसर केलेली नाही किंवा ज्यांची जोडणी अनधिकृत आहे, त्यांनी कोणताही दंड किंवा कठोर कारवाई टाळण्यासाठी तात्काळ आपली नळ जोडणी रीतसर अधिकृत करून घ्यावी, असे आवाहन तळेगाव दाभाडे नगर परिषदेतर्फे करण्यात आले आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– विद्यार्थ्यांसाठी शासनाच्या अनेक योजना, सर्व शाळांमध्ये प्रमुख योजनांची माहिती देणारे फलक प्रदर्शित केले जावे – शालेय शिक्षण मंत्री
– ड्रग्सच्या साखळीत सहभागी असणाऱ्यांवर मकोका अंतर्गत कारवाई , संबंधितांची मालमत्ता जप्त केली जाणार – मुख्यमंत्री
– श्रीक्षेत्र देहू येथे संत तुकाराम महाराज बीज सोहळ्यानिमित्त पाणी वापराबाबत प्रतिबंधात्मक आदेश लागू
– तळेगाव दाभाडेतील नागरिकांचे ‘हक्काच्या घराचे स्वप्न’ होणार साकार ; आमदार सुनील शेळके यांच्या पाठपुराव्याला मोठे यश
