Dainik Maval News : वडगाव मावळ येथील ऐतिहासिक तळ्याची सुधारणा व सुशोभीकरण करावे, अशी मागणी श्री पोटोबा महाराज देवस्थान संस्थानने वडगाव नगरपंचायतीकडे केली आहे.
देवस्थानचे मुख्य विश्वस्त किरण भिलारे यांनी याबाबत नगराध्यक्षा अबोली ढोरे व मुख्याधिकारी डॉ. प्रवीण निकम यांना दिलेल्या निवेदनात म्हटले आहे की, वडगाव ही मावळ तालुक्याची राजधानी असून, या ठिकाणी गावचे ग्रामदैवत श्री पोटोबा महाराज देवस्थानाला ‘क’ वर्ग तीर्थक्षेत्राचा दर्जा मिळालेला आहे. मंदिराशेजारी ऐतिहासिक तळे असून, त्याची मोठ्या प्रमाणावर दुरवस्था झाली आहे. तळ्याची संरक्षक भिंत जीर्ण झाली असून, ती मोडकळीस आली आहे. तळ्यातील पाणी हिरवेगार होऊन त्याची दुर्गंधी पसरत आहे. मंदिर व परिसरामध्ये भाविक भक्तांची कायम वर्दळ असते. शेजारच्या तलावाची संरक्षण भिंत जीर्ण झाल्याने त्यांना अपघाताचा धोका आहे. दूषित पाण्यामुळे आजाराची भीती आहे. त्यामुळे तळ्याची संरक्षण भिंत नव्याने बांधण्याची तसेच तळ्याचे सुशोभीकरण करण्याची गरज आहे. नगरपंचायतीच्या माध्यमातून लवकरात लवकर हे काम करावे, अशी मागणी देवस्थान ट्रस्टने केली आहे.
तिर्थक्षेत्र विकास आराखड्यामार्फत मंदिर परिसर व ऐतिहासिक तळ्याचा विकास व्हावा
तीर्थक्षेत्र विकास आराखडा माध्यमातून श्री पोटोबा मंदिर जवळील तलाव सुशोभिकरण व ढासळलेल्या संरक्षण भिंतीचे दुरुस्ती होणे बाबत, श्री पोटोबा महाराज देवस्थान चे वतीने वडगाव नगरपंचायत मुख्याधिकारी व नगराध्यक्षा यांना निवेदन सादर करण्यात आले आहे.
वडगाव ही तालुक्याची राजधानी असून या ठिकाणी गावचे ग्रामदैवत श्री पोटोबा महाराज देवस्थान संस्थानला ‘क’ तीर्थ क्षेत्रचा दर्जा मिळालेला असून सदर ठिकाणी हा ऐतिहासिक तलाव आहे, तरी मंदिर व परिसरामध्ये वर्षभरात लाखो भाविकांची गर्दी होत असल्यामुळे, मंदिर परिसर सुरक्षितेच्या दृष्टिकोनातून तळे सुशोभीकरण करावे असे निवेदनात म्हणले आहे.
वडगाव नगरपंचायतीमध्ये आमदार सुनील शेळके यांचे अध्येक्षतेखाली झालेल्या आढावा बैठकीमध्ये देवस्थानचे विश्वस्त साचिव व नगरसेवक म्हणून कार्यरत असलेले अनंता कुडे यांनी संबंधित विषय लवकर मार्गी लावावा, अशी मागणी आमदारांकडे केली आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– तळेगाव दाभाडे नगरपरिषद प्रशासनाची धडक कारवाई ; दहा अनधिकृत नळ जोडण्या खंडीत केल्या
– पुणे ते लोणावळा दरम्यान लोकलच्या फेऱ्या वाढविण्याची गरज ; रेल्वे प्रवाशांची मागणी
– कृत्रिम फुलांच्या वापरावरील बंदीसंदर्भात स्पष्टतेसाठी शासन निर्णय लवकरच ; मुख्यमंत्री देवेंद्र फडणवीस यांची घोषणा
– पवन मावळातील गावागावांत पोहोचणार विज्ञानाचे धडे देणारी फिरती प्रयोगशाळा ; ‘नॉलेज ऑन व्हिल्स’ बसचे लोकार्पण
