Dainik Maval News : तळेगाव दाभाडे येथील एम.एस.सी.बी. तळे परिसरात पोलिसांच्या पथकाने केलेल्या कारवाईत प्रतिबंधित अंमली पदार्थ बेकायदेशीररित्या विक्रीच्या उद्देशाने जवळ बाळगल्याप्रकरणी दोन आरोपींना रंगेहात ताब्यात घेण्यात आले.
इलाही अकबर शेख (वय ३७ वर्षे, रा. पवार नगर, थेरगाव) आणि रफिक करीम मुजावर (वय ४३ वर्षे, रा. वाल्हेकरवाडी, श्रीपती कॉलनी, चिंचवड) अशी आरोपींची नावे आहेत. रविवार (दि. १ मार्च) रोजी दुपारी चारच्या सुमारास एम.एस.सी.बी तळे येथील कच्च्या रस्त्यावर, तळेगाव दाभाडे येथे ही कारवाई करण्यात आली.
पोलीस शिपाई लक्ष्मण चहादु मुठे (तळेगाव दाभाडे पोलीस स्टेशन) यांनी याबाबत फिर्याद दिली आहे. त्यानुसार, तळेगाव दाभाडे पोलीस ठाण्यात एन.डी.पी.एस. अॅक्ट कलम ८ (क), २१ (क), २९ प्रमाणे गुन्हा दाखल करण्यात आला आहे. दोन्ही आरोपी अटकेत आहेत.
पोलिसांनी दिलेल्या माहितीनुसार, आरोपींनी एकूण ७ लाख १२ हजार रुपये किंमतीचा ११ ग्रॅम २१ मीलीग्रॅम मॅफेड्रॉन (एम.डी.) हा अंमली पदार्थ आणि इतर साहीत्य बेकायदेशीररित्या विक्रीकरीता जवळ बाळगताना मिळुन आले. पुढील तपास पोलीस निरिक्षक (गुन्हे) कांबळे हे करीत आहेत.
( दैनिक मावळचा व्हॉट्सअ‍ॅप चॅनेल जॉइन करण्यासाठी इथे क्लिक करा )
अधिक वाचा :
– तळेगाव दाभाडे नगरपरिषद प्रशासनाची धडक कारवाई ; दहा अनधिकृत नळ जोडण्या खंडीत केल्या
– पुणे ते लोणावळा दरम्यान लोकलच्या फेऱ्या वाढविण्याची गरज ; रेल्वे प्रवाशांची मागणी
– कृत्रिम फुलांच्या वापरावरील बंदीसंदर्भात स्पष्टतेसाठी शासन निर्णय लवकरच ; मुख्यमंत्री देवेंद्र फडणवीस यांची घोषणा
– पवन मावळातील गावागावांत पोहोचणार विज्ञानाचे धडे देणारी फिरती प्रयोगशाळा ; ‘नॉलेज ऑन व्हिल्स’ बसचे लोकार्पण
