Dainik Maval News : जगतगुरू संतश्रेष्ठ तुकाराम महाराज यांचा ३७८ वा सदेह वैकुंठ गमन दिन अर्थात बीज सोहळा तीर्थक्षेत्र देहू येथे मोठ्या भक्तिभावात संपन्न झाला. यानिमित्त देहू नगरी मध्ये वारकरी भाविकांची मांदियाळी दाटून आली होती.
श्रीक्षेत्र देहू इथे पहाटेपासूनच वारकरी, भाविक आणि दिंड्यांचे आगमन सुरू झाले. त्यामुळे संपूर्ण देहू नगरीत टाळ-मृदंगाचा गजर आणि ‘ज्ञानोबा माऊली तुकाराम’चा जयघोष घुमत होता.
गुरुवारी (दि.५) पहाटे मुख्य मंदिरात पारंपरिक पद्धतीने पूजा-अर्चा, अभिषेक आणि धार्मिक विधी पार पडले. त्यानंतर संत तुकाराम महाराजांच्या पालखीचा सोहळा मुख्य मंदिरातून वैकुंठ गमन मंदिराकडं निघाला. पालखी मार्गावर वारकरी मोठ्या भक्तिभावानं सहभागी झाले होते.
दिंड्यांच्या रांगा, वारकऱ्यांचे अभंग गात पुढं जाणं आणि तुकोबारायांच्या नामस्मरणानं संपूर्ण परिसर भारावून गेला. वैकुंठगमन सोहळ्यानिमित्त कीर्तन कार्यक्रम झाला. यातून संत तुकाराम महाराजांच्या जीवनकार्याची आणि अभंगवाङ्मयाची महती या की
सोहळ्यादरम्यान भाविकांची मोठी गर्दी होण्याची शक्यता लक्षात घेऊन प्रशासनानं व्यापक नियोजन केलं होतं. मुख्य मार्गांवर सीसीटीव्ही कॅमेरे बसवले होते, तसेच प्रशासनाचा कडक बंदोबस्त तैनात करण्यात आला होता. गर्दी नियंत्रणासाठी तसंच वाहतूक व्यवस्थेसाठी विशेष नियोजन केलं होतं.
देहूतील तुकाराम बीज सोहळा हा वारकरी संप्रदायासाठी अत्यंत महत्त्वाचा धार्मिक सोहळा मानला जातो. संत तुकाराम महाराजांनी रचलेले अभंग, समाजप्रबोधन आणि भक्तीचा संदेश आजही लाखो वारकऱ्यांना प्रेरणा देत आहे. त्यामुळंच दरवर्षी हजारो भाविक देहूत येऊन तुकोबारायांच्या चरणी नतमस्तक होत श्रद्धा व्यक्त करतात.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– इयत्ता चौथी आणि सातवीच्या शिष्यवृत्ती परीक्षेकरिता नोंदणी आणि आवेदनपत्र भरण्यासाठी मुदतवाढ ; ‘या’ तारखेपर्यंत भरता येणार अर्ज
– मावळ कृषी उत्पन्न बाजार समितीचे सभापती संभाजी शिंदे यांचा राजीनामा ! जिल्हा उपनिबंधक यांच्याकडे सोपविला राजीनामा
– वाहतूकीचे नियम मोडणारे, गाडीला काळ्या काचा – फॅन्सी नंबरप्लेट असलेल्या वाहन चालकांवर वडगाव मावळ पोलिसांची कारवाई
– पुणे – लोणावळा रेल्वे प्रवास होणार सुसाट.. प्रवाशांचा वेळ वाचणार ; रेल्वे विभागाचा मास्टर प्लॅन – वाचा सविस्तर
