Dainik Maval News : मागील काही दिवसांपासून वडगाव मावळ पोलिसांकडून अवैध उद्योगधंदे आणि वाहतूक नियमन मोडणारे चालक यांच्या विरोधात जोरदार मोहीम सुरू करण्यात आली आहे. बेशिस्त वाहन चालकांनंतर आता अवैधरित्या प्रतिबंधित तंबाखूजन्य पदार्थ विक्री आणि साठा करणाऱ्या पान टपरी चालकांविरोधात पोलिसांनी मोहीम उघडली आहे.
गुरुवारी (दि. ५) वडगाव मावळ पोलीस स्टेशन हद्दीतील वडगाव बाजारपेठ, वडगाव लोणावळा रोड, वडगाव तळेगाव चाकण रोड, तसेच मेन बाजारपेठ या ठिकाणी वडगाव मावळ पोलीस स्टेशनचे अधिकारी व पोलीस अंमलदार यांच्या 5 वेगवेगळ्या पथकांनी छापे टाकून कारवाी केली.
यामध्ये पान टपरी वरती बेकायदेशीर गुंगीकारक पदार्थ, तंबाखूजन्य व इतर तंबाखू उत्पादने विक्री प्रतिबंध करणेकामी तपासणी करण्यात आली. त्या अनुषंगाने पान मसाला व गुटखा विक्रीस प्रतिबंध अधिनियम 2003 चे कलम 6 ब 24 अन्वये कारवाई करण्यात आली. या कारवाई मध्ये एकूण 16 खटले दाखल करण्यात आले असून पान टपरी चालक व मालक यांना योग्य ती समज देण्यात आली आहे.
सदरचे खटले व यातील आरोपी यांना आज (दि.६ मार्च) न्यायालयात उद्या हजर करण्यात येणार आहे. या कारवाईमध्ये पोलीस निरीक्षक अभिजित देशमुख, तसेच सहाय्यक पोलीस निरीक्षक शितलकुमार डोईजड, जीआर पीएसआय जाधवराव, सहाय्यक फौजदार अजित ननवरे, आशिष काळे , पोहवा सचिन गायकवाड, किरण नांगरे, नितीन गार्डी, श्रीशैल कंटोळी,उमाजी मुंडे पोलीस कॉन्स्टेबल प्रफुल्ल गोरे प्रतीक केदारी, गणेश होळकर, किरण ढोले यांनी सहभाग घेतला.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– इयत्ता चौथी आणि सातवीच्या शिष्यवृत्ती परीक्षेकरिता नोंदणी आणि आवेदनपत्र भरण्यासाठी मुदतवाढ ; ‘या’ तारखेपर्यंत भरता येणार अर्ज
– मावळ कृषी उत्पन्न बाजार समितीचे सभापती संभाजी शिंदे यांचा राजीनामा ! जिल्हा उपनिबंधक यांच्याकडे सोपविला राजीनामा
– वाहतूकीचे नियम मोडणारे, गाडीला काळ्या काचा – फॅन्सी नंबरप्लेट असलेल्या वाहन चालकांवर वडगाव मावळ पोलिसांची कारवाई
– पुणे – लोणावळा रेल्वे प्रवास होणार सुसाट.. प्रवाशांचा वेळ वाचणार ; रेल्वे विभागाचा मास्टर प्लॅन – वाचा सविस्तर
