Dainik Maval News : तळेगाव दाभाडे शहरातील श्री डोळसनाथ महाराज यात्रेमध्ये गर्दीचा गैर फायदा घेऊन सोन्याचे दागिने चोरणाऱ्या टोळीचा तळेगाव दाभाडे पोलिसांनी पर्दाफाश केला आहे. याप्रकरणी पोलिसांनी तत्परतेने कारवाई करीत तीन महिला आरोपींना अटक केली असून त्यांच्याकडून चोरीचा मुद्देमाल हस्तगत करण्यात आला आहे.
मिळालेल्या माहितीनुसार, फिर्यादी महिला या तळेगावमध्ये यात्रेसाठी आल्या होत्या. श्री डोळसनाथ महाराज मंदिरात दर्शनासाठी मोठी गर्दी असताना, आरोपी महिलांनी संगनमत करून फिर्यादीच्या गळ्यातील सोन्याचे दागिने आणि रोख रक्कम चोरून नेली. फिर्यादीने आपले दागिने चोरीला गेल्याचे लक्षात येताच तळेगाव दाभाडे पोलीस ठाण्यात तक्रार दिली होती.
फिर्यादीकडून मिळालेल्या वर्णनानुसार पोलिसांनी यात्रा परिसरात शोधमोहीम राबवली. संशयास्पद हालचाली करणाऱ्या तीन महिलांना ताब्यात घेऊन त्यांची कसून चौकशी केली असता, त्यांनी चोरी केल्याची कबुली दिली. आरोपी महिलांकडून सोन्याचा मौल्यवान ऐवज आणि रोख रक्कम जप्त करण्यात आली आहे.
अटक करण्यात आलेल्या महिला आरोपी या चंदननगर, पुणे येथील स्थायिक असून पोलिसांनी त्यांना अटक करून त्यांच्यावर भारतीय न्याय संहितेच्या विविध कलमान्वये गुन्हा दाखल करण्यात आला आहे. या प्रकरणाचा अधिक तपास पोलीस हवालदार निळे करत आहेत.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– मावळच्या निसर्गाचा विनाश थांबवा ! स्थानिक पर्यावरणमित्रांचे वीज प्रकल्पाविरोधात प्रशासनाला निवेदन ; तीव्र आंदोलनाचा इशारा
– आमदार सुनील शेळके यांच्या माध्यमातून शिळींब येथे आदिम सेवा अभियान अंतर्गत ९५ आदिवासी नागरिकांना जातीचे दाखले वाटप
– गॅस सिलिंडर वाहतूक करणाऱ्या टेम्पो चालकाच्या एका चुकीने ज्ञानेश्वरीने गमावला जीव ; सोमाटणे फाटा येथील मन सुन्न करणारी घटना
