दैनिक मावळ (प्रतिनिधी) : वाहतुकीस प्रतिबंधित व निषिद्ध असलेले मांस वाहतूक करून नेत असल्याच्या संशयातून एक कंटेनर (क्रमांक NL 01 AK 5884) गोरक्षकांनी पकडला व पोलिसांच्या स्वाधीन केला. उर्से येथे शनिवारी (दि. 21) हा कंटेनर पकडण्यात आला. गोरक्षकांनी हा कंटेनर वडगाव मावळ पोलिसांच्या स्वाधीन केला आहे. वडगाव मावळ पोलीस याप्रकरणी आता अधिक तपास करत आहे.
सदर कंटेनरमध्ये गोमांस असल्याचा संशय गोरक्षकांना आहे. तसा तक्रार अर्ज वडगाव मावळ पोलिसांकडे प्राप्त झाला आहे. तर सदर कंटेनर मधून मांस वाहतूक होत असले तरीही ते निषिद्ध व प्रतिबंधित असे नसून कायदेशीर परवाना सहित ही वाहतूक होत असल्याचे संबंधित कंटेनरच्या चालकाने व मांस ज्या कंपनीचे आहे त्या कंपनीच्या प्रतिनिधींनी सांगितले आहे.
याप्रकरणी आता मांस तपासणी करून त्याचा अहवाल आल्यानंतरच पुढील कारवाई करता येईल. सद्यस्थितीत कंटेनर ताब्यात घेतला असून मांस चे सॅम्पल तपासणीसाठी पाठवले आहे. त्याचा अहवाल दोन दिवसात येईल, असे पोलीस निरीक्षक, वडगाव मावळ, अभिजीत देशमुख यांनी दैनिक मावळशी बोलताना सांगितले.
दरम्यान, या प्रकरणी अधिक माहिती घेतली असता गुलबर्गा येथून तळोजा येथे साधारण २६ टन मांस या कंटेनर मधून वाहतूक होत असलेची माहिती पुढे आली आहे. परंतु अधिकृत माहिती समोर येणे बाकी आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– मावळच्या निसर्गाचा विनाश थांबवा ! स्थानिक पर्यावरणमित्रांचे वीज प्रकल्पाविरोधात प्रशासनाला निवेदन ; तीव्र आंदोलनाचा इशारा
– आमदार सुनील शेळके यांच्या माध्यमातून शिळींब येथे आदिम सेवा अभियान अंतर्गत ९५ आदिवासी नागरिकांना जातीचे दाखले वाटप
– गॅस सिलिंडर वाहतूक करणाऱ्या टेम्पो चालकाच्या एका चुकीने ज्ञानेश्वरीने गमावला जीव ; सोमाटणे फाटा येथील मन सुन्न करणारी घटना
