Dainik Maval News : कामशेत पोलीस स्टेशन हद्दीत मंगळवारी (दि. ५ मे) रोजी सहाय्यक पोलीस निरिक्षक सतिश पाटील, पोलीस हवालदार लबडे, पोलीस शिपाई पाडले, पोलीस शिपाई अहिनवे हे पोलीस ठाणे हद्दीत गस्त करीत होते. त्यावेळी सपोनि सतिश पाटील आणि पोलीस अंमलदार यांना मौजे चिखलसे गावचे हद्दीत कामशेत ते पवनानगर रोडच्या बाजूला परफेक्ट कंपनीचे समोरील क्रिटेट मैदान येथे संशयास्पद काळ्या रंगाची स्कॉर्पिओ कार मिळून आली.
चौकशी केली असता कारमधील व्यक्ती, १. अजय उर्फ गुरू अनिल शिंदे (वय 26 वर्षे, रा. कामशेत गावठाण ता. मावळ) आणि २. सार्थक विष्णु ढमाले (वय 20 वर्षे, रा. देवराम कॉलनी, कामशेत ता. मावळ) यांच्या ताब्यातुन एकुण 62.11 ग्रॅम वजनाचा 6 लाख 20 हजार रूपये किंमतीचा एमडी मेफेड्रोन हा अंमली पदार्थ शासनाने प्रतिबंधीत केलेला असताना देखील बेकायदेशिररित्या विक्री करीता कब्जात बळगताना मिळून आला.
सदर आरोपी यांच्या ताब्यात,
१) 6 लाख 20 हजर किंमतीचा 62.11 ग्रॅम वजनाची एमडी हा अंमली पदार्थ
२) 18 लाख रूपये किंमतीचे एक काल्या रंगाची स्कॉर्पिओ गाडी (क्र. MH 14 MQ 8019 )
३) 60 हजार रूपये किंमतीचा एक सोनेरी रंगाचा सॅमसँग कंपनीचा गॅलेक्सी एस 24 अल्टा मोबाईल फोन
४) 40 हजार रूपये किंमतीचा सोनेरी रंगाचा सॅमसंग कंपनीचा गॅलेक्सी एस 24 मोबाईल फोन
असा एकुण 25 लाख 20 हजार रूपये किंमतीचा मुद्देमाल जप्त करण्यात आलेला आहे. दोन्ही आरोपींना अटक करून न्यायालयात हजर केले असता त्यांची 4 दिवस पोलीस कोठडी रिमांड मंजुर करण्यात आलेली आहे.
ही कारवाई पोलीस अधीक्षक, पुणे ग्रामीण, अपर पोलीस अधीक्षक, उपविभागीय पोलीस अधिकारी, लोणावळा विभाग लोणावळा, स्थानिक गुन्हे अन्वेषन शाखा, पुणे ग्रामीण यांच्या मार्गदर्शनाखाली कामशेत पोलीस ठाण्यातील प्रभारी अधिकारी आकाश पवार, सहाय्यक पोलीस निरिक्षक सतिश पाटील, पो.हवा लबडे, पो.हवा तावरे, पोहवा दिक्षीत, पोहवा झगडे, पोहवा तावरे, पोशि पाडळे, पोशि अहिनवे, पोशि डोईफोडे, पोशि गारगोटे, पोशि 1770 काळे, तसेच स्थानिक गुन्हे शाखा अभिजित सावंत, पोसई यांनी केली.
या बाबत कामशेत पोलीस ठाण्यात गुन्हा रजिस्टर नंबर 100 / 2026 एन डी पी एस अॅक्ट कलम 8 क, 22, 29 प्रमाणे गुन्हा दाखल करून पुढील तपास सहा. पोलीस निरिक्षक आकाश पवार हे करीत आहेत.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– मुंबई-पुणे द्रुतगती मार्गावरील मिसिंग लिंकचे थाटात लोकार्पण ! “हा मिसिंग लिंक नव्हे तर कनेक्टिंग लिंक” – मुख्यमंत्री देवेंद्र फडणवीस
– बारावी बोर्ड परीक्षेचा निकाल जाहीर ! राज्याचा एकूण निकाल ८९.७९ टक्के, यंदाही मुलींचीच बाजी – पाहा सविस्तर निकाल
– शेतकऱ्यांनो… २० मे पूर्वी आपला फार्मर आयडी काढून घ्या, अन्यथा कृषी योजनांचा लाभ मिळणार नाही
– लोणावळा शहरातील पार्किंगची समस्या सुटणार, रेल्वे प्रशासन वाहनतळ विकसित करणार ; खासदार बारणे यांची माहिती
