Dainik Maval News : मावळ तालुक्यातील जनहित चॅरिटेबल ट्रस्टच्या वतीने रविवारी (दि. १७) वडगाव मावळ येथे सामुदायिक मंगल परिणय सोहळ्याचे आयोजन केले आहे. या सोहळ्यात सात जोडपी विवाहबद्ध होणार आहेत.
ट्रस्टच्या सामुदायिक परिणय सोहळा उपक्रमाचे हे आठवे वर्ष आहे. ट्रस्टचे अध्यक्ष अजय भवार, महासचिव सचिन कांबळे, सामुदायिक मंगल परिणय सोहळा समिती-२०२६ चे अध्यक्ष प्रवीण भवार, कार्यक्रम प्रमुख प्रकाश गायकवाड यांनी यावर्षीच्या सोहळ्याची माहिती दिली. यावर्षी वडगाव येथील भेगडे लॉन्स मंगल कार्यालयात रविवारी सायंकाळी सात वाजता हा सोहळा होणार आहे.
तत्पूर्वी दुपारी तीन वाजता तळेगाव दाभाडे येथील विश्वरत्न डाॅ. बाबासाहेब आंबेडकर यांच्या स्मारकात आदर्शांना अभिवादन करून नवरदेवांची वडगाव येथील ग्रामदैवत पोटोबा महाराज मंदिर ते भेगडे लॉन्स अशी मिरवणूक काढण्यात येणार आहे. त्यानंतर मंगल परिणय सोहळा होईल.
विवाहबद्ध होणाऱ्या जोडप्यांना विधी पोशाख, संसारोपयोगी वस्तू, पैंजण-जोडवी, मनगटी घड्याळ तसेच वऱ्हाडी मंडळींसाठी भोजन व्यवस्था करण्यात येणार आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– आर्थिकदृष्ट्या दुर्बल आणि होतकरू विद्यार्थ्यांना उच्च माध्यमिक शिक्षणाची संधी ! तळेगाव नगरपरिषदेकडून कनिष्ठ महाविद्यालयाची घोषणा
– कुंभार कारागिरांना 9 महिने उचलता येणार माती, 700 ब्रासच्या मर्यादेवर कोणताही दंड नाही ; वीटभट्टीसाठी ५ वर्षांसाठी सलग परवानगी मिळणार
– पशुपालकांनो.. पशुधनाची काळजी घ्या, पशुधनामध्ये उष्माघाताची लक्षणे दिसल्यास ‘या’ उपाययोजना करा
– तळेगाव शहरातील कटारिया कुटुंबाचा समाजासमोर आदर्श ; तरुण मुलाच्या निधनानंतर अवयवदानातून ४ जणांना जीवनदान
