Dainik Maval News : धर्मवीर छत्रपती संभाजी महाराज जयंतीनिमित्त सरसेनापती खंडेराव दाभाडे सरकार व उमाबाईसाहेब दाभाडे सरकार यांच्या भूमीत शिवकालीन युद्धकला उन्हाळी प्रशिक्षण शिबिर २०२६ चे आयोजन करण्यात आले. तळेगाव शहरात दहा दिवस चालणाऱ्या या शिबिरात मोठ्या संख्येने लहान मुला-मुलींनी उत्स्फूर्त सहभाग नोंदवला.
कार्यक्रमाच्या प्रारंभी मान्यवरांच्या हस्ते शस्त्रपूजन करण्यात आले. सरसेनापती उमाबाईसाहेब दाभाडे सरकार यांची मानाची तलवार दर्शन व पूजनासाठी उपलब्ध करण्यात आली होती. यावेळी इतिहास अभ्यासक डॉ. प्रमोद बोऱ्हाडे यांनी संभाजी महाराजांच्या जीवनातील विविध पैलूंवर प्रकाश टाकत व्याख्यानरूपी सेवा दिली. शस्त्र प्रशिक्षक किरण अडागळे यांनी उपस्थित विद्यार्थ्यांना शस्त्रांचे महत्त्व आणि युद्धकलेची माहिती दिली.
याप्रसंगी श्रीमंत सरदार सत्यशीलराजे दाभाडे, नगरसेविका शोभा परदेशी, स्नेहा खांडगे, अश्विनी शेळके, सोनाली दरेकर, वन्यजीव रक्षक मावळ संस्थेच्या महिला मंचाच्या नेहा गराडे, शीतल काकडे, अर्चना दाभाडे, निकिता रगडे, योगेश नाहटा, सचिन शेडगे, कुंदन भोसले, विनय दाभाडे, सर्जेस पाटील, नीलेश गराडे उपस्थित होते.
शिबिराचे संयोजन सह्याद्री प्रतिष्ठान मावळ, शिवसह्याद्री शिवस्पर्श प्रतिष्ठान मावळ, शिवशाही परिवार मावळ, सरसेनापती उमाबाई दाभाडे महिला मंच तसेच वन्यजीव रक्षक मावळ संस्था यांच्या वतीने करण्यात आले आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– आर्थिकदृष्ट्या दुर्बल आणि होतकरू विद्यार्थ्यांना उच्च माध्यमिक शिक्षणाची संधी ! तळेगाव नगरपरिषदेकडून कनिष्ठ महाविद्यालयाची घोषणा
– कुंभार कारागिरांना 9 महिने उचलता येणार माती, 700 ब्रासच्या मर्यादेवर कोणताही दंड नाही ; वीटभट्टीसाठी ५ वर्षांसाठी सलग परवानगी मिळणार
– पशुपालकांनो.. पशुधनाची काळजी घ्या, पशुधनामध्ये उष्माघाताची लक्षणे दिसल्यास ‘या’ उपाययोजना करा
– तळेगाव शहरातील कटारिया कुटुंबाचा समाजासमोर आदर्श ; तरुण मुलाच्या निधनानंतर अवयवदानातून ४ जणांना जीवनदान
