Dainik Maval News : गेली अनेक दिवसांपासून प्रतीक्षेत असलेला मान्सून पाऊस अखेर मावळ तालुक्यात बरसू लागला आहे. ‘अल निनो’मुळे लांबलेला मान्सून जून महिन्याचे २१-२२ दिवस उलटले तरीही न आल्याने सर्वांचीच चिंता वाढली होती. परंतु मंगळवारपासून मावळ तालुक्यात मान्सून पावसाला सुरूवात झाली आहे. मावळ तालुक्यातील पर्यटननगरी म्हणून प्रसिद्ध असलेल्या लोणावळा शहरात तर, मंगळवारी दिवसभरात कमी अधिक प्रमाणत जोरदार पाऊस झाला.
स्थानिक प्रशासनाने दिलेल्या माहितीनुसार, मागील २४ तासांत लोणावळा शहरात ९४ मि.मी. अर्थात ३.७० इंच सेंट इतका पाऊस झाला. चालू वर्षीचा एकूण पाऊस हा २१० मि.मी. इतका नोंदविला आहे. गतवर्षी मान्सूनचे आगमन लवकर झाले होते. त्यामुळे गतवर्षी आजच्या तारखेला तब्बल १५९५ मि.मी. पाऊस झालेला होता. यंदा अल निनो चा प्रभाव असल्याने मान्सून पाऊस कमी असेल, असा अंदाज आहे.
दरम्यान ढगाळ वातावरण, आणि पावसाला सुरूवात झाल्याने लोणावळा शहरातील उकाड्याचे प्रमाण कमी झाले असून नागरिकांनी सुटकेचा निश्वास टाकला आहे. सोबत पावसाच्या सरीमुळे बळीराजा देखील सुखावला असून खरीप हंगामातील भात रोपांना नवसंजिवनी मिळाली आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– मावळ तालुक्यातील विकास कामांना गती द्या, पावसाळापूर्व कामे तातडीने पूर्ण करा
– बुलेट ट्रेनने मुंबई-पुणे ४८ मिनिटांत; महाराष्ट्राला जागतिक पुरवठा साखळीचे केंद्र बनवणार -मुख्यमंत्री देवेंद्र फडणवीस
– लोणावळ्यात १ लाख ९३ हजारांचे मेफेड्रॉन जप्त ; एमडी विक्रीसाठी आलेल्या तरुणावर गुन्हा दाखल
– महत्वाची बातमी ! पुणे जिल्ह्यात ७४ सहाय्यक पोलीस निरीक्षक व उपनिरीक्षकांच्या बदल्या जाहीर
