तळेगाव दाभाडे येथे दुर्गामाता मंदिरात दोन अज्ञात चोरट्यांनी मंदिरातील दानपेटी पळवली. हा सर्व प्रकार मंदिरातील सीसीटीव्ही कॅमेरात कैद झाला आहे. दोन दिवसांपूर्वी पहाटेच्या सुमारास ही घटना घडली. तळेगाव दाभाडे पोलीस या प्रकरणी अधिक तपास करत आहेत.
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
प्राप्त माहितीनुसार, तळेगाव दाभाडे येथे दुर्गा मंदिर असून पहाटेच्या सुमारास चोरट्यांनी मंदिरात प्रवेश केला. मंदिरात आणि परिसरात कोणीही नसल्याची खात्री केली. अवघ्या 30 सेकंदात दोन अज्ञात चोरट्यांनी मंदिरातील दान पेटी पळवून काही अंतरावर ती फोडली आणि त्यातील पैसे घेऊन पोबारा केला.
हा सर्व प्रकार सीसीटीव्हीत कैद झाला असून तळेगाव दाभाडे पोलीस या आधारे अधिक तपास करत आहेत. मंदिरात चोरी झाल्याने सर्वसामान्य नागरिक संताप व्यक्त करत आहेत.
अधिक वाचा –
– अरेच्चा, असं कसं झालं? वडगाव दुय्यम निबंधक कार्यालयातूनच मूळ दस्त गायब, गुन्हा दाखल
– इंद्रायणी नदीचे प्रदूषण थांबवा, पुलाला संरक्षक कठडे बसवा; कातवी ग्रामस्थांचे थेट मुख्यमंत्री शिंदेंना निवेदन