शिवसेना अवजड वाहतूक सेनेतर्फे आयआरबी प्रशासनाला मंगळवारी (10 जानेवारी) निवेदन पत्र देण्यात आले. यावेळी आयआरबीकडून टोल वसूलीच्या बदल्यात प्रवाशांना देण्यात येणाऱ्या सुविधांबात तक्रार करण्यात आली. अपघातावेळी प्रवाशांना जी आपत्कालीन सेवा पुरवली जाते आणि उपचारासाठी उभारण्यात आलेले ट्रॉमा केअर सेंटर यांची झालेली दुर्दशा, याबाबत शिवसेनेच्या अवजड वाहतूक सेना विभागाच्या पदाधिकाऱ्यांनी आयआरबीच्या अधिकाऱ्यांना जाब विचारला.
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
द्रुतगती महामार्गावर प्रवाशांचे वाहन बंद पडले असता किंवा वाहनाचा अपघात झाल्यावर आयआरबी तर्फे वाहन टो करुन देण्याची सेवा किंवा रुग्णावहिकेचे सेवा मोफत देणे बंधनकारक आहे, मात्र महामार्गावर खासगी टोईंग सेवा आणि रुग्णवाहिका धावतात आणि प्रवाशांकडून अवाजावी पैसे वसूल करतात, असा गंभीर आरोप शिवसेनेच्या अवजड वाहतूक सेनेच्या पदाधिकाऱ्यांनी लगावला आहे. खोपोलीकडून लोणावळा शहराच्या दिशेने चुकीच्या पद्धतीने अवजड वाहने महामार्ग पोलिसांच्या वरदहस्तामुळे बिनदिक्कत वर येतात, असा गंभीर आरोपही लगावण्यात आलाय.
‘जर आयआरबी प्रशासन द्रुतगती महामार्गावर प्रवासादरम्यान टोल आकारत असेल, तर त्या बदल्यात सुविधा देणे बंधनकारक आहे’, असे मत शिवसेना अवजड वाहतूक सेनेचे जिल्हाप्रमुख हेमंत मेने आणि शिवसेना अवजड वाहतूक सेना पुणे जिल्हा संघटक नरेश काळवीट यांनी व्यक्त केले.
हेही वाचा – जागरूक नागरिकामुळे वाचले जखमी पक्ष्याचे प्राण, करुंज गावात प्राणीमित्रांकडून लांडोरला जीवदान – पाहा व्हिडिओ
‘ट्रामा केअर सेंटरमध्ये होणाऱ्या गैरसोयीमुळे जर कुणाही प्रवाशाला आपला जीव गमवावा लागला, तर त्याची पूर्ण जबाबदारी आयआरबी प्रशासनाची असेल’, असे मत शिवसेना अवजड वाहतूक सेनेचे उपजिल्हाप्रमुख अभिजित गायकवाड यांनी व्यक्त केले. तसेच, ‘याबाबत योग्य ती पावले लवकरात लवकर उचलली नाही तर आयआरबीच्या कुठल्याही अधिकाऱ्याला ऑफिसमध्ये येऊन देणार नाही,’ असा इशारा यावेळी शिवसेनेकडून देण्यात आला.
शिवसेना अवजड वाहतूक सेनेचे जिल्हा संघटक नरेश काळवीट, जिल्हा सचिव योगेश गिरीश गोसावी, जिल्हा उपसचिव जावेद पठाण, महेश फाटक, तालुका संघटक रवी इंगळे, पराग राणे, युवराज, अक्षय देसाई, धनेश हुंडारे, काशिनाथ येवले तसेच वाहतूक सेनेचे सर्व पदाधिकारी आणि काही कार्यकर्ते उपस्थित होते.
अधिक वाचा –
– ब्रेकिंग! शिंदे-फडणवीस सरकारचा मोठा निर्णय, स्विकृत नगरसेवकांची संख्या वाढवली, वाचा मंत्रिमंडळ निर्णय
– मावळमधील पुसाने गावात क्रिकेट टुर्नामेंट दरम्यान तुफान राडा, स्टम्प-बॅटने मारहाण
– खळबळजनक! किरकोळ घरगुती वादातून पतीकडून पत्नीची निर्घृण हत्या, कामशेत येथील धक्कादायक घटना
