संजय गांधी निराधार योजनेअंतर्गत मावळ तालुक्यातील पात्र लाभार्थ्यांना उद्योजक शंकरराव शेळके यांच्या हस्ते लाभ मंजुरीचे प्रमाणपत्र आमदार सुनिल शंकरराव शेळके जनसंपर्क कार्यालय येथे वितरित करण्यात आले. ( Distribution Of Approval Letter By Shankarao Shelke To Eligible Beneficiaries Of Sanjay Gandhi Niradhar Yojana Talegaon Dabhade )
दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा
आमदार सुनिल शेळके यांच्या मार्गदर्शनानुसार मावळ तालुक्यातील संजय गांधी निराधार योजनेच्या 64 लाभार्थ्यांना लाभ मंजुरीचे प्रमाणपत्र शनिवार (दि. 28) वाटप करण्यात आले. दिव्यांग,ज्येष्ठ निराधार अशा वंचित घटकांसाठी संजय गांधी निराधार सारख्या शासकीय योजना आधार ठरत आहेत. मात्र, या योजनेच्या लाभासाठी योग्य मार्गदर्शन मिळत नसल्यामुळे कागदपत्रांची पूर्तता करताना नागरिकांची दमछाक होते. ही गरज ओळखून सर्वसामान्यांसाठीच्या योजना तळागाळातील गरजूंपर्यंत पोहोचवण्यासाठी जनसंपर्क कार्यालयात मार्फत कागदपत्रांची पूर्तता करून अर्ज भरून घेण्यात आले होते आणि त्यातील गरजूंना प्रमाणपत्र मिळाल्याने लाभार्थ्यांनी समाधान व्यक्त केले.
पात्र लाभार्थ्यांमध्ये श्रावण बाळ निवृत्ती वेतन योजनेच्या 21 आणि संजय गांधी निराधार योजनेच्या 43 लाभार्थ्यांचा समावेश आहे. अशा शासकीय योजनेच्या लाभांमुळे गरजू व्यक्तींना आधार मिळतो, असे मत उद्योजक शंकरराव शेळके यांनी व्यक्त केले. यावेळी राष्ट्रवादी काँग्रेस आंदर मावळ अध्यक्षा उमा शेळके, रामनाथ गरुड, सचिन वामन, नबीलाल अत्तार, नितीन पिंगळे, दिनेश दरेकर, अरविंद पाटील आदी उपस्थित होते.
अधिक वाचा –
– मोठी बातमी! श्री पोटोबा महाराज देवस्थान आणि श्री डोळसनाथ महाराज देवस्थान या ठिकाणांना ‘क-वर्ग’ तीर्थस्थळाचा दर्जा
– शिवसेवा प्रतिष्ठानकडून लोणावळा शहरातील 8 शाळांना प्राचीन भारताचा नकाशा भेट
