राज्य उत्पादन शुल्क तळेगाव दाभाडे विभागाने शुक्रवार (27 जानेवारी) केलेल्या कारवाईत गोवा बनावटीची दारूसह तब्बल 62 लाख 68 हजार रुपयांचा मुद्देमाल जप्त केला आहे. पुणे-मुंबई महामार्गावर उर्से टोलनाका जवळ पथकाने ही कारवाई केली. यात दोन जणांना अटक करण्यात आली आहे.
गामित सोमवेलभाई सिंगाभाई (वय 25 वर्षे व्यवसाय ट्रक चालक रा – ओटा ता. सोनगड जि. तापी गुजरात) आणि मोहन दिनराम खथात (वय 34 वर्षे व्यवसाय – ट्रक क्लिनर रा- रुध्रपुरा ता. हुरडा जि. भिलवाडा, राजस्थान) अशी अटक करण्यात आलेल्यांची नावे आहेत. ( State Excise Department Talegaon Dabhade Seizure Nearly 63 Lakh Goa Made Liquor Near Urse Toll Plaza )
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
राज्य उत्पादन शुल्क निरीक्षक संजय सराफ यांनी दिलेल्या माहितीनुसार; दुय्यम निरीक्षक दीपक सुपे यांना उर्से टोलनाका येथे बेकायदा विदेशी मद्य वाहतूक करणारा कंटेनर (क्रमांक एमएच 01 एन 8007) येणार असल्याची गुप्त माहिती मिळाली होती. त्यानुसार शुक्रवार (दिनांक 27 जानेवारी) सकाळी साडेनऊ वाजता त्या ठिकाणी सापळा लावला असता, आरोपी गामित सिंगाभाई आणि मोहन खथात यांच्या कंटेनरची तपासणी केली असता गोवा राज्य निर्मित आणि गोवा राज्य विक्रीसाठी असलेला 47 लाख 52 हजारांचे विदेशी मद्य, कंटेनर, मोबाईल असा 62 लाख 68 हजार रुपयांचा मुद्देमाल जप्त करून आरोपीला अटक केली.
अधिक वाचा –
– राष्ट्रीय महामार्गाच्या हद्दीतील केबल्स तसेच अनाधिकृत जाहिरात फलक काढून घेण्याचे आवाहन
– संजय गांधी निराधार योजनेतील 43 पात्र लाभार्थ्यांना शंकरराव शेळके यांच्या हस्ते मंजुरी पत्राचे वाटप । Talegaon Dabhade
