Dainik Maval News : मुसळधार पावसामुळे सुरक्षिततेच्या कारणास्तव मावळ तालुक्यातील पर्यटन स्थळांवर लावण्यात आलेली बंदी शनिवारी हटविण्यात आली होती. परंतू अवघ्या काही तासात हा निर्णय फिरवण्यात आला आणि पुन्हा एकदा लोणावळ्यासह मावळ तालुक्यातील सर्व पर्यटनस्थळांवर अनिश्चित काळासाठी बंदी लावण्यात आल्याचे आदेशपत्र काढण्यात आले आहे. या निर्णयामुळे पर्यटकांसह स्थानिक व्यावसायिकांमध्ये नाराजी पसरली आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
प्रांताधिकारी सुरेंद्र नवले यांच्या आदेशानुसार पुन्हा एकदा मावळ आणि मुळशी तालुक्यातील पर्यटन स्थळांवर अनिश्चित काळासाठी बंदी घालण्यात आली आहे. आता विकेंड असो किंना इतर दिवस पर्यटन स्थळांवर जायला पर्यटक नागरिकांना मनाई करण्यात आली आहे. मावळच्या प्रांताधिकाऱ्यांनी तत्काळ हा नवा आदेश जारी केला आहे. पुणे जिल्ह्यात सोमवारी ऑरेंज तर मंगळवारी यलो अलर्ट देण्यात आला असल्याने कोणतीही अनुचित घटना टाळण्यासाठी ही बंदी घालण्यात आली आहे. ( An indefinite ban on all tourist spots in Maval and Mulshi talukas including Lonavala )
शनिवारी जेव्हा मावळ तालुक्यातील पर्यटन स्थळांवरील बंदी उठविण्यात आली त्यानंतर भुशी धरणासह सर्वच पर्यटनस्थळांवर पर्यटकांनी मोठी गर्दी केली होती. रविवारचा मुहूर्त साधत भुशी धरणावर वर्षा विहाराचा आनंद घेण्यासाठी मोठ्या प्रमाणात पर्यटक दाखल झाले होते. परंतू आता सोमवारपासून पुन्हा बंदी घालण्यात आली आहे. पूर्वीचा प्रतिबंधात्मक आदेश 27 जुलै रोजी रात्री बारापासून शिथिल करण्यात आला असल्याचे सुधारित पत्रक मावळ मुळशीचे प्रांत अधिकारी सुरेंद्र नवले यांनी काढले होते. मात्र पुन्हा एकदा येथे पर्यटकांना प्रवेश बंदी करण्यात आली असल्याने नागरिक नाराज आहेत.
अधिक वाचा –
– ‘मुख्यमंत्री माझी लाडकी बहीण’ योजनेला उदंड प्रतिसाद ; महिन्याभरात 1 कोटी महिलांकडून ऑनलाईन अर्ज दाखल
– आरोपींना कठोर शिक्षा व्हावी, वारसांना 50 लाख मिळावेत ; तिहेरी हत्याकांडातील मृत महिलेच्या वारसांनी घेतली मुख्यमंत्री शिंदेंची भेट
– कार्ला – मळवली दरम्यानचा रस्ता वाहतूकीसाठी बंद, वेहेरगांव मार्गावर अवजड वाहनांना प्रवेश बंदी । Pune News
