आजिवली येथील श्री ज्ञानेश्वर विद्यानिकेतन शाळेच्या नूतन इमारतीचा भूमिपूजन सोहळा उत्साहात संपन्न

पवनमावळ (प्रतिनिधी – रवि ठाकर) : पवन मावळातील आजिवली येथे असणाऱ्या श्री ज्ञानेश्वर विद्यानिकेतन या शाळेच्या नूतन इमारतीचा भूमिपूजन सोहळा अत्यंत उत्साहात संपन्न झाला.

मावळ विकास मंडळ ह्या संस्थेची श्री ज्ञानेश्वर विद्यानिकेतन, जवण (आजिवली, ता. मावळ) येथे शासनमान्य माध्यमिक शाळा आहे. याच शाळेच्या नूतन इमारतीचा भूमिपूजन सोहळा काही दिवसांपूर्वीच सहकार महर्षी ज्ञानेश्वर उर्फ माऊलीभाऊ दाभाडे यांच्या हस्ते संपन्न झाला आहे. मावळचे आमदार सुनील शेळके यांच्या पुढाकारातून फिनिक्स मेकॅनो प्रा. लि. उर्से या कंपनीच्या सीएसआर निधीतून हे काम होणार आहे.

कंपनीच्या माध्यमातून शाळेच्या आठ वर्ग खोल्या तसेच प्रसाधनगृहे बांधण्याचा आराखडा संमत करून पुढील सहा ते सात महिन्यात हे बांधकाम पूर्ण करण्याचा संकल्प कंपनीचे अधिकारी सचिन पवार आणि उमेश बारवकर यांनी व्यक्त केला. ग्रामीण भागातील विद्यार्थ्यांना प्रशस्त इमारत आणि आवश्यक शैक्षणिक सुविधा उपलब्ध करून देणार असल्याचे सचिन पवार यांनी यावेळी सांगितले.

कार्यक्रमाचे प्रास्ताविक संस्थेचे संस्थापक सचिव प्राचार्य डॉ. दत्तात्रय बाळसराफ यांनी केले. यावेळी बोलताना बाळसराफ यांनी, शाळेची प्रशस्त इमारत बांधण्याचे संस्थेचे अनेक वर्षांचे स्वप्न इमारत बांधणीनंतर पूर्ण होईल, असे सांगितले.

याप्रसंगी पंचायत समिती सदस्या शैलाताई कालेकर, सरपंच आशाताई भिकोले, कृ.उ.बा.स. माजी सभापती संभाजी शिंदे, सरपंच सिद्धांत कडू, पोलीस पाटील रूपाली लायगुडे यांसह नवनाथ राऊत, अक्षय धामणकर, कंत्राटदार श्री. वाघोले, स्वाती दाभाडे आदी मान्यवर उपस्थित होते.

मावळ विकास मंडळाचे उपाध्यक्ष प्राध्यापक वसंत पवार, खजिनदार स्नेहल बाळसराफ, डॉ. केतकी संकेत नाळे, शाळेचे मुख्याध्यापक रमेश आरगडे व सर्व शिक्षक व शिक्षकेतर कर्मचारी आणि आजी-माजी विद्यार्थीही मोठ्या संख्येने उपस्थित होते. सूत्रसंचालन वर्षा बारबोले यांनी केले. आभार प्रदर्शन प्राध्यापक वसंत पवार यांनी केले.

( दैनिक मावळचा व्हॉट्सअ‍ॅप चॅनेल जॉइन करण्यासाठी इथे क्लिक करा )
अधिक वाचा :
– तळेगाव दाभाडे येथील कै. ॲड. कु. शलाका संतोष खांडगे विधी महाविद्यालयातील विद्यार्थ्यांचा दिल्ली येथे शैक्षणिक दौरा
– सांडपाणी नदीत सोडणाऱ्या सोसायट्यांवर गुन्हे दाखल करा ; खासदार श्रीरंग बारणे यांची PMRDA प्रशासनाला सूचना
– इयत्ता बारावी बोर्डाच्या पुरवणी परीक्षांसाठी १५ मे पर्यंत ऑनलाईन फॉर्म भरण्याचे आवाहन ; ‘लेट फी’सह ‘या’ तारखेपर्यंत फॉर्म भरता येणार
– विद्यार्थ्यांना इस्रोसह अमेरिकेतील नासा केंद्राला भेटीची मिळणार संधी ; ‘मुख्यमंत्री विद्यार्थी विज्ञान वारी’ उपक्रमाला शासनाची मान्यता