मावळ लोकसभा मतदारसंघात महाविकास आघाडीच्या वतीने शिवसेना उद्धव बाळासाहेब ठाकरे पक्षाचे संजोग वाघेरे पाटील यांना उमेदवारी देण्यात आलेली आहे. त्यांच्या विरोधात महायुतीचे श्रीरंग बारणे हे विद्यमान खासदार पुन्हा निवडणूकीच्या रिंगणात असणार आहेत. आघाडीचे उमेदवार संजोग वाघेरे यांच्या प्रचार सभा आणि प्रचार मोहिमेत काँग्रेस पक्षाच्या सहभागासाठी काँग्रेसकडून विधानसभानिहाय समन्वय समिती स्थापण्यात आली आहे. मावळ विधानसभेची पदाधिकाऱ्यांची समन्वय समिती स्थापन करण्यात आलीये. पुणे येथील काँग्रेस भवनामध्ये मावळ विधानसभेचा आढावा घेण्यात आला आणि त्यानंतर ही समिती स्थापन करण्यात आली. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअॅप चॅनेल जॉईन करा )
काँग्रेसचे जिल्हाध्यक्ष आमदार संजय जगताप यांच्या अध्यक्षतेखाली ही बैठक पार पडली. यावेळी पुणे जिल्हा काँग्रेसचे सरचिटणीस पृथ्वीराज पाटील, मावळ लोकसभा मतदारसंघाचे निरीक्षक कौस्तुभ गुजर, खजिनदार बापूसाहेब ढमढेरे, संग्राम मोहोळ आदी प्रमुख पदाधिकारी उपस्थित होते. ‘आगामी लोकसभा निवडणुकीत मावळ मतदारसंघात शिवसेना उद्धव ठाकरे पक्षाचे उमेदवार अर्थात महाविकासआघाडीचे उमेदवार संजोग वाघेरे यांचा प्रचार काँग्रेस पक्षाच्या प्रत्येक कार्यकर्त्यांनी प्रामाणिकपणे करावा आणि स्वतःला झोकून देऊन वाघेरे यांना प्रचंड बहुमताने विजय करावे,’ असे आवाहन जिल्हाध्यक्ष जगताप यांनी यावेळी केले. ( Congress Formed Coordination Committee In Maval Lok Sabha For Campaign Of Candidate Sanjog Waghere )
मावळ लोकसभा मतदार संघासाठी, मावळ विधानसभेची समन्वय समिती स्थापन करण्यात आली. त्यात काँग्रेस पक्षाचे ज्येष्ठ नेते चंद्रकांत सातकर यांच्यावर मावळ लोकसभेचे मुख्य समन्वयक म्हणून जबाबदारी देण्यात आली. तर मावळ तालुका काँग्रेसचे अध्यक्ष यशवंत मोहोळ यांच्यावर विधानसभा समन्वयक म्हणून जबाबदारी देण्यात आली. यासह महाराष्ट्र प्रदेश सचिव निखिल कवीश्वर, सांस्कृतिक सेल जिल्हाध्यक्ष विशाल वाळुंज, तळेगाव शहराध्यक्ष यादवेंद्र खळदे, युवक अध्यक्ष राजेश वाघोले, देहूरोड ब्लॉक अध्यक्ष हाजी मलंग मारेमत्तू, प्रमोद गायकवाड, दिलीप ढमाले, राजीव फलके, प्रतिमा हिरे, माऊली काळोखे, तळेगाव स्टेशन अध्यक्ष योगेश पारगे, माजी उपनगराध्यक्ष लोणावळा राजीव गवळी यांच्यावर देखील समन्वयक पदाची जबाबदारी देण्यात आली आहे.
अधिक वाचा –
– लोणावळा येथे अश्लील व्हिडिओ तयार करणारी टोळी गजाआड; पाटणमधील बंगल्यावर पोलिसांचा छापा, 5 महिलांसह 18 जण ताब्यात
– महायुतीचे उमेदवार श्रीरंग बारणे यांनी घेतले स्व. आमदार लक्ष्मण जगताप यांच्या स्मृतीस्थळाचे दर्शन; चिंचवडमधून प्रचाराला सुरुवात
– समर्थ शलाका स्पर्धा परीक्षेत श्री एकविरा विद्या मंदिर कार्ला शाळेतील आर्या अहिरे प्रथम । Talegaon Dabhade
