आमदार सुनिल शेळके यांच्या प्रयत्नातून मावळ तालुक्यात आदिम सेवा अभियानाची प्रभावी अंमलबजावणी सुरु आहे. संपुर्ण तालुक्यात आमदार शेळकेंच्या माध्यमातून राबविण्यात येत असलेल्या या आदिम सेवा अभियानांतर्गत कुणे ना.मा. येथील 68 कातकरी व ठाकर समाज बांधवांना जात प्रमाणपत्रांचे वाटप शनिवार (दि. 17) करण्यात आले. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअ‍ॅप चॅनेल जॉईन करा )
लोणावळा शहराच्या जवळ असलेल्या कुणे गावातील ठाकर व कातकरी समाजातील अनेक नागरिकांकडे स्वातंत्र्याच्या अमृत महोत्सवानंरही जातीचे दाखले उपलब्ध नाहीत. शैक्षणिक कामांसाठी, शासकीय योजनांचा लाभ मिळविण्यासाठी जात प्रमाणपत्र आवश्यक असते. परंतु ज्यांचे पूर्वज शिक्षणाच्या प्रवाहापासून दूर होते, अशा कुटुंबातील नागरिकांना जात प्रमाणपत्र काढण्यासाठी खुप त्रास सहन करावा लागतो व दाखला मिळत नसल्याने विविध शासकीय योजनांपासून वंचित रहावे लागते. ( Distribution of caste certificate to 68 citizens of Katkari and Thakar Samaj of Kune Nama Village Maval )
आजपर्यंत विविध शिबिरे, योजनांच्या नावाखाली केवळ कागदपत्रे जमा केली जातात. परंतु सर्व प्रक्रिया पूर्ण करुन दाखले कोणीही मिळवून देत नव्हते. त्यामुळे आश्वासनांशिवाय या नागरिकांच्या पदरात काहीच पडले नव्हते. परंतु आमदार शेळके यांनी आदिम सेवा अभियान प्रभावीपणे राबवित तालुक्यातील प्रत्येक वाडी-वस्तीवर जाऊन नागरिकांच्या कागदपत्रांची पूर्तता करुन घेणे व शासन दरबारी सातत्यपूर्ण पाठपुरावा करणे यामुळे या नागरिकांना अखेर जातीचे प्रमाणपत्र उपलब्ध झाले आहेत.
अनेक वर्षांच्या प्रतीक्षेनंतर जातीचे दाखले मिळाल्याने नागरिकांनी समाधान व्यक्त केले. या कार्यक्रमास ग्रामपंचायत सदस्य सागर उंबरे, सुरेश होले, अशोक गोजे, कमलबाई वाघमारे, अश्विनी वाघमारे, रामदास शेलार, माजी पंचायत समिती सदस्य महादू उघडे, अविनाश लोमटे, बाळू गोजे, हरीश तांडील, शंकर भस्मे, खंडू ठोंबरे, भागू होले, अनंता मेंगाळ, चंदर ठोंबरे, सागर गोणते, अमित शिवणेकर, यशवंत ठोंबरे, गणेश जाधव, बाळू होले व ग्रामस्थ उपस्थित होते.
अधिक वाचा –
– ‘डान्स मावळ डान्स’ नृत्य व चित्रकला स्पर्धेत मावळमधील युवा कलाकारांचा उत्स्फूर्त सहभाग, तब्बल 2300 स्पर्धकांची नोंद । Vadgaon Maval
– संकल्प इंग्लिश स्कूलचे वार्षिक स्नेहसंमेलन उत्साहात; ‘ग्रामीण भागातील शिक्षण संस्थाचा विकास देशासाठी महत्वाचा’ – धनराज विसपुते
– ग्रामपंचायत महागाव, भोयरे आणि पिंपरी येथे शेतकऱ्यांना मधुमक्षिका पालनाबद्दल मार्गदर्शन । Maval News
