गुरुवारी (दि. 15 फेब्रुवारी) मावळ तालुक्याची वार्षिक आमसभा वडगाव मावळ येथील भेगडे लॉन्स येथे पार पडली. मावळचे आमदार सुनिल शेळके यांच्या अध्यक्षतेखाली झालेल्या या आमसभेला प्रांताधिकारी सुरेंद्र नवले, तहसीलदार विक्रम देशमुख, गटविकास अधिकारी तथा आमसभेचे सचिव सुधीर भागवत, नायब तहसीलदार गणेश तळेकर, मुख्याधिकारी प्रवीण निकम, माजी जिल्हा परिषद सभापती बाबूराव वायकर, माजी सभापती विठ्ठलराव शिंदे, गुलाबराव म्हाळसकर, शांताराम कदम, माजी नगराध्यक्ष मयूर ढोरे यांसह विविध खात्यांचे अधिकारी आणि नागरिक उपस्थित होते. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअ‍ॅप चॅनेल जॉईन करा )
तालुक्यातील सर्वसामान्य नागरिकांना आपल्या समस्या शासन दरबारी उघडपणे मांडता याव्यात आणि त्या लवकर निकाली निघाव्यात यासाठी आमसभा हे एक व्यासपीठ आहे. वडगावमध्ये झालेल्या आमसभेत नागरिकांनी सार्वजनिक बांधकाम, जल जीवन मिशन, पाणी पुरवठा, वन विभाग, पाटबंधारे, भुमी अभिलेख, महावितरण, महसुल, पंचायत समिती, नगरपरिषद, नगरपंचायत इ. विभागातील समस्या आणि तक्रारी जाहीरपणे व्यक्त केल्या आणि उपस्थित अधिकाऱ्यांनी नागरिकांच्या प्रत्येक प्रश्नावर समाधानकारक उत्तर देऊन नागरिकांना आश्वासित केले. तर काही ठिकाणी स्थळ पाहणी करुन अथवा कागदपत्रे पाहून अल्पावधीतच निर्णय घेण्यात येतील असे सांगितले. (Maval Taluka AamSabha 2024 In Presence Of MLA Sunil Shelke Huge Response Of Citizen)
माहिती अधिकार कार्यकर्त्यांनी अधिकाऱ्यांना फोडला घाम –
आमसभेत सुमारे दीड ते दोन हजार नागरिक उपस्थित होते. परंतू यावेळी नागरिकापेक्षा माहिती अधिकार कार्यकत्यांनी प्रश्नांचा भडिमार करत अधिकाऱ्यांना घेरले. यामध्ये माहिती अधिकार कार्यकर्ते दत्तात्रय काजळे, गणेश लालगुडे, सुनील गुजर, दत्तात्रय दळवी, शोभिनाथ भोईर, भिमाजी लालगुडे यांनी सर्वच खात्याच्या अधिकार्‍यांना विविध कामांबाबत प्रश्नांचा भडीमार करत अधिकाऱ्यांना घाम फोडला.
गैरहजेरीबाबत आमदारांनी व्यक्त केली नाराजी –
नागरिकांच्या समस्यांना वाचा फोडण्याच्या दृष्टीने महत्वाच्या असणार्‍या आमसभेला तालुक्यातील बहुतांश ग्रामपंचायतीचे सरपंच गैरहजर होते. तर, ठराविक सरपंच हजर होते. तसेच, काही ग्रामसेवकही अनुपस्थित होते. त्यामुळे आमदार शेळके यांनी तीत्र नाराजी व्यक्त केली.
अधिक वाचा –
– संकल्प इंग्लिश स्कूलचे वार्षिक स्नेहसंमेलन उत्साहात; ‘ग्रामीण भागातील शिक्षण संस्थाचा विकास देशासाठी महत्वाचा’ – धनराज विसपुते
– ग्रामपंचायत महागाव, भोयरे आणि पिंपरी येथे शेतकऱ्यांना मधुमक्षिका पालनाबद्दल मार्गदर्शन । Maval News
– काळीज तोडणारी घटना… धनगव्हाण गावात गोठ्याला आग लागल्याने दोन जनावरांचा होरपळून मृत्यू, साठवलेला चाराही जळाला
