Dainik Maval News : मावळ तालुक्यातील ( Maval Taluka ) पवना धरणात ( Pawana Dam ) आजमितीस (दि. 30 जून) 58.27 टक्के इतका पाणीसाठा ( Water Storage ) आहे. पवना धरण क्षेत्रात सातत्याने पावसाच्या सरी कोसळत आहे. तसेच धरणाच्या बॅकवॉटर भागात पावासाचा जोर कायम आहे. त्यामुळे धरणात येणाऱ्या पाण्याचा येवा कायम असल्याने धरणाच्या पाणीपातळीत सातत्याने वाढ होत आहे.
सोमवारी (दि. 30 जून) रोजी सकाळी सहा वाजता घेतलेल्या नोंदीनुसार धरणात 58.27 टक्के पाणीसाठा जमा झाला आहे. धरणात 24 तासांत 13 मि.मी. पाऊस झाला आहे. तसेच जून 1 तारखेपासून घेतलेल्या नोंदीनुसार आतापर्यंत 808 मि.मी. इतका पाऊस झाला आहे. गतवर्षी आजच्याच तारखेला धरणात 17.55 टक्के अर्थात आजच्या तारखेपेक्षा 40 टक्क्यांहून कमी पाणीसाठा होता, अशी माहिती धरण विभागाचे अभियंता रजनीश बारिया यांनी दिली.
मावळ तालुक्यातील अनेक गावांच्या पाणीयोजना या पवना धरणातील जलसाठ्यावर अवलंबून आहे. यासह पिंपरी-चिंचवड या महानगरासाठी पवना धरण हा पाण्याचा प्रमुख स्त्रोत आहे. सध्या धरणात 50 टक्क्यांहून अधिकचा पाणीसाठा झाल्याने किमान अर्ध्या वर्षाची पाण्याची चिंता मिटली आहे. लवकरच पावसाचा जोर वाढून धरण पूर्ण क्षमतेने भरावे, अशी आशा नागरिकांना आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– मोठी बातमी! श्री एकविरा देवस्थानकडून ड्रेस कोड जाहीर; महिला-पुरुषांनी मंदिरात येताना ‘असे’ कपडे परिधान करणे बंधनकारक
– महत्वाची बातमी : पुणे ग्रामीण जिल्ह्यात १० जुलैपर्यंत प्रतिबंधात्मक आदेश लागू – वाचा संपूर्ण नियमावली । Pune News
– वडगाव शहराचा सुधारित विकास आराखडा बिल्डर धार्जीणा? ग्रामस्थांचा कडाडून विरोध, भाजपाचे मुख्याधिकाऱ्यांना निवेदन । Vadgaon Maval
