Dainik Maval News : तळेगाव दाभाडे येथील विश्वरत्न डॉ. बाबासाहेब आंबेडकर निवासस्थान वर्धापन दिन उत्साहात साजरा करण्यात आला. यावेळी विधानसभेचे उपाध्यक्ष अण्णा बनसोडे उपस्थित होते. त्यांनी बाबासाहेबांचे स्मारक विस्तारित आणि विकसित करण्यासाठी आवश्यक असणारी शासकीय व वैयक्तिक स्तरावरील मदत करण्याचे अश्वासन दिले.
अध्यक्षस्थानी स्मारक समितीच्या अध्यक्षा अॕड. रंजना भोसले होत्या. कार्यक्रमाची सुरुवात आदर्शांना पुष्पहार अर्पण करून वसंत इंगळे यांच्या मार्गदर्शना नुसार सुत्त पठणाने झाली. यावेळी उपनगराध्यक्ष गणेश काकडे यांनी उपस्थित राहून निवासस्थान जवळील मोकळी जागा घेण्यासंदर्भात नगरपरिषदेत आरक्षणाचा ठराव मांडून विस्तारीकरण साठी जागा उपलब्ध करून देण्यात येईल असे सांगितले.
नगरसेविका स्नेहा खांडगे, आशिष खांडगे, साहित्यिक प्रभाकर ओव्हाळ यांनी मनोगत व्यक्त केले. प्रमुख पाहुणे अरुण खोरे यांनी बाबासाहेबांचे व्यक्तिमत्व मांडताना अनेक दाखले दिले. अध्यक्षीय मनोगत व्यक्त करताना रंजना भोसले यांनी सर्व मान्यवरांनी दिलेल्या आश्वासनाची पूर्तता लवकर होईल अशी अपेक्षा व्यक्त केली.
प्रास्ताविक किसन थुल यांनी केले. आभार एल डी कांबळे यांनी मानले. सूत्रसंचालन संजय गायकवाड यांनी केले. कुमार आहेर यांचा एकपात्री नाट्य प्रयोग मी गाडगे बाबा बोलतोय सादर केले. यामधून संत गाडगे बाबा यांचे प्रबोधनात्मक विचार मांडले.
कार्यक्रम यशस्वीतेसाठी दिनेश गवई, भागवत बिऱ्हाडे, देवानंद बनसोडे, रावसाहेब कांबळे, रुपेश घोडेस्वार, प्रज्ञानकूर निकम, अनिल गायकवाड, विक्रांत घरडे, थोरेंद्र मेश्राम, सागर दुपटे आदींनी परिश्रम घेतले.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– लोणावळा शहरातील पार्किंगची समस्या सुटणार, रेल्वे प्रशासन वाहनतळ विकसित करणार
– मावळ तालुका हादरला ! दुचाकीसह जळालेल्या अवस्थेत तरूणाचा मृतदेह आढळला
– पवना धरणातील पाणीसाठा ३९ टक्क्यांवर, कधीपर्यंत पुरणार हे पाणी ? पाटबंधारे विभागाचे नागरिकांना आवाहन
– पवना धरणातून गाळ काढण्याचे काम सुरू ; खासदार श्रीरंग बारणे यांच्या पुढाकारातून सलग १० वर्षांपासून उपक्रम सुरू
