Dainik Maval News : पावसाळा सुरू होण्यास आता एक ते दीड महिन्यांचा अवधी बाकी आहे. अशात शहरातील पावसाळा पूर्व कामे प्रशासनाकडून पूर्ण करणे आवश्यक आहे. या धर्तीवर तळेगाव दाभाडे नगरपरिषदेत नगराध्यक्ष, आरोग्य समिती सभापती आणि मुख्याधिकारी यांनी घेतलेल्या बैठकीत मान्सूनपूर्वक नालेसफाईची स्वच्छता करून घेणेबाबत स्वच्छता व आरोग्य विभाग यांना सूचना केल्या होत्या.
त्याअनुषंगाने बुधवारी, दि. 29 एप्रिल रोजी सकाळी 11 वाजता मान्सूनपूर्व पूर्व नालेसफाई करण्यास प्रत्यक्ष सुरुवात करण्यात आली आहे. या मोहिमेचे उद्घाटन नगराध्यक्ष संतोष दाभाडे, मुख्याधिकारी गिरीश दापकेकर, आरोग्य समिती सभापती निखिल भगत यांच्या प्रमुख उपस्थित करण्यात आले.
जुना मुंबई पुणे महामार्ग लगत पोलीस चौकी जवळचा सार्वजनिक नाला येथे मोहिमेस सुरुवात करण्यात आलेली आहे. गाव भागामध्ये पाच मुख्य नाले व स्टेशन भागांमध्ये दहा मुख्य नाले इत्यादींची स्वच्छता करून घेण्यात येणार आहे. सदर नाले स्वच्छता करून घेण्याकरिता एक पोकलेन व दोन जेसीबी यांच्यामार्फत ही स्वच्छता करण्यात येणार आहे.
याप्रसंगी सार्वजनिक बांधकाम समिती सभापती सुदाम शेळके, नियोजन व विकास समिती सभापती दीपक भेगडे व नगरसेवक सागर बोडके, सुरेखा भेगडे, शोभा परदेशी, शिवाजी आगळे, मजनू नाटेकर, सुरज सातकर इत्यादी उपस्थित होते.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– लोणावळा शहरातील पार्किंगची समस्या सुटणार, रेल्वे प्रशासन वाहनतळ विकसित करणार
– मावळ तालुका हादरला ! दुचाकीसह जळालेल्या अवस्थेत तरूणाचा मृतदेह आढळला
– पवना धरणातील पाणीसाठा ३९ टक्क्यांवर, कधीपर्यंत पुरणार हे पाणी ? पाटबंधारे विभागाचे नागरिकांना आवाहन
– पवना धरणातून गाळ काढण्याचे काम सुरू ; खासदार श्रीरंग बारणे यांच्या पुढाकारातून सलग १० वर्षांपासून उपक्रम सुरू
