Lok Sabha Elections 2024 : उद्या अर्थात शनिवारी (दिनांक 16 मार्च) रोजी केंद्रीय निवडणूक आयोग पत्रकार परिषद घेणार आहे. दुपारी 3 वाजता निवडणूक आयोगाची पत्रकार परिषद असणार आहे. ह्या पत्रकार परिषदेत लोकसभा निवडणूकीचा कार्यक्रम जाहीर केला जाणार आहे. निवडणूक आयोगाच्या पत्रकार परिषदेकडे संपूर्ण देशाचे लक्ष लागले आहे. लोकसभा निवडणूक नेमकी कधी असणार? किती टप्प्यात ही निवडणूक होणार? प्रत्यक्ष निकाल कधी लागणार? याची उत्सुकता आता शिगेला पोहोचली आहे. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअ‍ॅप चॅनेल जॉईन करा )
निवडणूक आयोगाने काय म्हटलंय?
लोकसभा निवडणुकीचा कार्यक्रम आणि काही विधानसभा निवडणूकांची घोषणा 16 मार्चला केली जाणार आहे. त्यामुळे 16 मार्चपासून लोकसभा निवडणुकीचे बिगुल वाजणार हेही स्पष्ट झाले आहे. तसेच निवडणूक कार्यक्रमात मतदानाचे टप्पे जाहीर होतील, त्यासह अंतिम मतमोजणीचा दिवसही जाहीर होईल. यावेळी लोकसभेच्या निवडणुका 6 ते 7 टप्प्यात घेतल्या जातील असे बोलले जात आहे. महत्वाचं म्हणजे देशात निवडणूका जाहीर होताच संपूर्ण देशात आदर्श आचारसंहिता देखील लागू होणार आहे.
2019 च्या निवडणूकीचा कार्यक्रम –
2019 सालच्या लोकसभा निवडणूकीची घोषणा 10 मार्च रोजी करण्यात आली होती. तसेच दिनांक 11 एप्रिल ते 19 मे दरम्यान टप्प्याटप्प्याने लोकसभा निवडणुका झाल्या होत्या. गेल्या वेळी 67.1 टक्के मतदान झाले होते. तर, 23 मे रोजी मतमोजणी झाली. यंदा 2024 वर्षात लोकसभा निवडणुकीत सुमारे 97 कोटी लोक मतदान करणार आहेत. ( ECI to announce Lok Sabha polls schedule at 3 pm tomorrow LokSabha Election 2024 )
Press Conference by the Election Commission to announce the schedule for General Elections 2024 & some State Assemblies will be held at 3 pm tomorrow, 16th March. It will be live streamed on the social media platforms of the ECI: ECI pic.twitter.com/JVGGQfMYgw
— ANI (@ANI) March 15, 2024
पंतप्रधान नरेंद्र मोदी आणि भाजपा यांनी यापूर्वीच पुढच्या निवडणूकीनंतर आमची तिसरी टर्म सुरु होईल, असे घोषित केलंय. तर विरोधकांच्या इंडिया आघाडीने मोदींना पंतप्रधान होऊ देणार नाही असे म्हटले आहे.
अधिक वाचा –
– ‘श्रीरंग बारणे हे दीड महिन्यानंतर पुन्हा एकदा मोठ्या मताधिक्याने खासदार झालेले दिसतील’ – मंत्री उदय सामंत । Maval Lok Sabha Election 2024
– पांदण रस्ता खुला करण्यासाठी टाकवे ग्रामस्थ आक्रमक; जलजीवन मिशनचे काम अडवले । Maval Taluka
– जिल्हा बँकेच्या संचालकांवर दोन वर्षांच्या आत अविश्वास प्रस्ताव आणता येणार नाही!
