Dainik Maval News : तळेगाव दाभाडे येथील तुकाराम नगर परिसरात रविवारी ( दि. ३ मे ) दुपारी मधमाशांनी अचानक हल्ला केल्याने एक ज्येष्ठ महिला गंभीर जखमी झाली, तर इतरही काही नागरिकांना मधमाशांनी चावा घेतल्याचे समजते.
तुकाराम नगर येथे राहणाऱ्या ललिता गणपत भोकरे (वय ५३) या महिला दुपारच्या सुमारास फ्लॅट पाहण्यासाठी पॅरामाउंट बिल्डिंगजवळ गेल्या होत्या. यावेळी पॅरामाउंट इमारतीच्या पहिल्या मजल्यावर असलेल्या मधमाशांचे मोहोळ अचानक उठले आणि माशांनी आक्रमक रूप धारण केले.
काही क्षणातच मधमाशांनी मोठ्या प्रमाणात हल्ला चढवला. या हल्ल्यात भोकरे यांच्या चेहरा, डोके, पाठ तसेच हात-पायांवर मधमाशांनी वारंवार चावे घेतल्याने त्या गंभीर जखमी झाल्या. वन्यजीव रक्षक मावळ संस्थेचे संस्थापक निलेश गराडे यांनी त्यांना सुखरुप बाहेर काढले. त्यांना राजू सय्यद, अनिश गराडे, श्रीयश भेगडे, भास्कर माळी यांनी मदत केली.
भोकरे यांना सोमाटणे फाटा येथील पवना हॉस्पिटलमध्ये उपचारासाठी दाखल केले. जखमी महिलेला रुग्णालयात नेत असताना ॲम्ब्युलन्स चालक राजू तसेच अनिश गराडे यांसह काही इतर नागरिकांनाही मधमाशांनी चावा घेतल्याची माहिती समोर आली आहे. या घटनेनंतर नागरिकांमध्ये चिंतेची भावना निर्माण झाली आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– मुंबई-पुणे द्रुतगती मार्गावरील मिसिंग लिंकचे थाटात लोकार्पण ! “हा मिसिंग लिंक नव्हे तर कनेक्टिंग लिंक” – मुख्यमंत्री देवेंद्र फडणवीस
– बारावी बोर्ड परीक्षेचा निकाल जाहीर ! राज्याचा एकूण निकाल ८९.७९ टक्के, यंदाही मुलींचीच बाजी – पाहा सविस्तर निकाल
– शेतकऱ्यांनो… २० मे पूर्वी आपला फार्मर आयडी काढून घ्या, अन्यथा कृषी योजनांचा लाभ मिळणार नाही
– लोणावळा शहरातील पार्किंगची समस्या सुटणार, रेल्वे प्रशासन वाहनतळ विकसित करणार ; खासदार बारणे यांची माहिती
