Dainik Maval News : लोणावळा शहरातील वलवण धरणामध्ये बुडून एका बारा वर्षीय अल्पवयीन मुलाचा मृत्यू झाल्याची दुःखद घटना घडली आहे. दोन दिवसांपासून हा मुलगा बेपत्ता होता. त्याचे नातेवाईक, लोणावळा शहर पोलीस व लोणावळ्यातील शिवदुर्ग मित्र त्याचा शोध घेत होते. शनिवारी सकाळी वलवण धरणाच्या बॅक वॉटरमध्ये त्याचा मृतदेह मिळून आला आहे.
यश कुलदीप दोनेरिया (वय 12, राहणार कैवल्यधाम लोणावळा) असे या मयत झालेल्या अल्पवयीन मुलाचे नाव आहे. याप्रकरणी त्याचे चुलते दिलीप रवींद्र दोनेरिया यांनी याप्रकरणी लोणावळा शहर पोलीस ठाण्यात घटनेची माहिती दिली आहे.
मिळालेल्या माहितीनुसार यश हा मागील दोन दिवसापासून बेपत्ता होता व त्याचा शोध सुरू होता. 2 एप्रिल रोजी सकाळी अकरा वाजण्याच्या सुमारास त्याचा शोध सुरू असताना वलवन धरणाच्या बॅक वॉटर मध्ये त्याचा मृतदेह मिळून आला आहे.
धरणामध्ये पोहण्यासाठी गेला असताना पाण्याचा अंदाज न आल्याने पाण्यात बुडवून तो मयत झाला असावा असा अंदाज व्यक्त करण्यात आला असून लोणावळा शहर पोलीस ठाण्यामध्ये या घटनेची अकस्मात मयत अशी नोंद घेण्यात आली आहे. याप्रकरणी लोणावळा शहर चे पोलीस निरीक्षक राजेश रामाघरे यांच्या मार्गदर्शनाखाली महिला पोलीस हवालदार भुरकुंडे या पुढील तपास करत आहेत.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– मुंबई-पुणे द्रुतगती मार्गावरील मिसिंग लिंकचे थाटात लोकार्पण ! “हा मिसिंग लिंक नव्हे तर कनेक्टिंग लिंक” – मुख्यमंत्री देवेंद्र फडणवीस
– बारावी बोर्ड परीक्षेचा निकाल जाहीर ! राज्याचा एकूण निकाल ८९.७९ टक्के, यंदाही मुलींचीच बाजी – पाहा सविस्तर निकाल
– शेतकऱ्यांनो… २० मे पूर्वी आपला फार्मर आयडी काढून घ्या, अन्यथा कृषी योजनांचा लाभ मिळणार नाही
– लोणावळा शहरातील पार्किंगची समस्या सुटणार, रेल्वे प्रशासन वाहनतळ विकसित करणार ; खासदार बारणे यांची माहिती
