Dainik Maval News : तळेगाव-चाकण-शिक्रापूर महामार्गालगत तळेगाव दाभाडे शहरात असलेल्या शुभम कॉम्प्लेक्स जवळ सोमवारी (दि. 4 मे) पहाटेच्या सुमारास एक मालवाहतूक ट्रक अपघातग्रस्त झाल्याची घटना घडली.
मुंबईच्या दिशेने जाणारा हा ट्रक अचानक उतारावरून पुढे सरकत कॉम्प्लेक्सच्या चौथऱ्यावर जाऊन अडकला. सुदैवाने यावेळी परिसर निर्मणुष्य असल्याने मोठी दुर्घटना टळली व कोणतीही जीवितहानी झाली नाही.
मिळालेल्या माहितीनुसार, ट्रक ( क्र. MH 09 CU 9390) मध्ये गव्हाच्या गोण्या पूर्ण क्षमतेने भरलेल्या होत्या. पहाटे साडेपाच ते सहाच्या दरम्यान चालकाने मालमोटर शुभम कॉम्प्लेक्ससमोर उभी करून खाली उतरला होता. काही मिनिटांतच ही मालमोटर उतारामुळे पुढे सरकली आणि मोकळ्या जागेतील नामफलकांचे खांब तोडत पुढे गेली.
यावेळी समोर उभी असलेल्या मोटारसायकलला जोरदार धडक बसली. धडकेनंतर मोटारसायकल पुढील चाकाखाली अडकून पूर्णपणे चक्काचूर झाली, तर मालमोटरचे पुढील चाक चार फूट खोल असलेल्या चौथऱ्यात अडकले. हा परिसर अत्यंत वर्दळीचा असला तरी अपघाताच्या वेळी पहाटेची वेळ असल्याने परिसर निर्मनुष्य होता.
विशेष म्हणजे, संबंधित मोटारसायकल चालक त्या वेळी शेजारील रुग्णालयात नातेवाईकांची सेवा करण्यासाठी गेला होता, त्यामुळे तो थोडक्यात बचावला. दरम्यान मंगळवारी दुपारपर्यंत अपघातग्रस्त मालमोटर जागेवरच उभी असल्याचे दिसून आले.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– मुंबई-पुणे द्रुतगती मार्गावरील मिसिंग लिंकचे थाटात लोकार्पण ! “हा मिसिंग लिंक नव्हे तर कनेक्टिंग लिंक” – मुख्यमंत्री देवेंद्र फडणवीस
– बारावी बोर्ड परीक्षेचा निकाल जाहीर ! राज्याचा एकूण निकाल ८९.७९ टक्के, यंदाही मुलींचीच बाजी – पाहा सविस्तर निकाल
– शेतकऱ्यांनो… २० मे पूर्वी आपला फार्मर आयडी काढून घ्या, अन्यथा कृषी योजनांचा लाभ मिळणार नाही
– लोणावळा शहरातील पार्किंगची समस्या सुटणार, रेल्वे प्रशासन वाहनतळ विकसित करणार ; खासदार बारणे यांची माहिती
