पुणे ग्रामीण पोलीस दलाचे पोलीस अधिक्षक पंकज देशमुख यांच्या मार्गदशनाखाली आणि लोणावळा विभागाचे सहाय्यक पोलीस अधिक्षक सत्यसाई कार्तिक यांच्या संकल्पनेतून ‘संकल्प नशामुक्ती’ हे अभियान राबविण्यात येत आहे. या अभियानांतर्गत मंगळवारी, दिनांक 16 एप्रिल रोजी सिंहगड इन्स्टिट्युट, कुसगाव बु. (लोणावळा) या संस्थेतील एकूण 8 विविध विभागाचे कॉलेजमधील प्राचार्य, प्राध्यापक, शिक्षक, कोऑर्डीनेटर, एनएसएस, एनसीसी आणि इतर सर्व विद्यार्थी यांच्यासाठी विशेष शिबिर आयोजित करण्यात आले होते. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
यावेळी सहाय्यक पोलीस अधिक्षक सत्यसाई कार्तिक ( लोणावळा विभाग) यांनी कार्यशाळा घेऊन सहभागी सर्व विद्यार्थी आणि अध्यापकांना मार्गदर्शन केले. तसेच कॉलेजमधील विद्यार्थ्यांमध्ये वाढत चाललेले नशेबाबत विद्यार्थी आणि कॉलेज प्रशासनाला योग्य त्या सुचना केल्या. महाविद्यालय प्रशासन आणि विद्यार्थ्यांना केलेल्या सुचना खालील प्रमाणे;
1) कॉलेजमधील जे विद्यार्थी दारू, गांजा, चरस, एमडी पावडर अशा विविध प्रकारचे नशेच्या आहारी गेलेले आहेत त्यांची माहिती संकलित करणे.
2) कॉलेजमध्ये अशा प्रकारची कोणी नशा करत असल्यास अथवा अशी अमली पदार्थाची विकी करत असल्याची माहिती असल्यास त्याबाबत आम्हाला (पोलिस) वैयक्तिक माहिती कळविण्याबाबत आवाहन केले.
3) कॉलेजमध्ये समुपदेशन कक्ष (काऊसिंलीग सेल) स्थापन करून त्यामध्ये प्रत्येक कॉलेजचे प्राचार्य, शिक्षक, हॉस्टेलचे रेक्टर, पोलीस असे प्रतिनिधी यांची नेमणुक करणे.
4) नशा करणाऱ्या विध्यार्थ्यांना संकल्प नशामुक्ती अभियानांतर्गत अशा समुपदेशन कक्षामध्ये आणुन त्यांचे त्याठिकाणी समुपदेशन (काऊसिलींग) करणे, नशा करणारे विद्यार्थी यांच्या पालकांना बोलावून त्यांच्या कडून मार्गदर्शन करणे.
5) कॉलेजचे मुख्य प्रवेशव्दार, हॉस्टेलचे प्रवेशद्वार आणि एक्झीट गेटवर तपासणी करणे
6) कॉलेज प्रशासनाच्या माध्यमातून विद्यार्थी वास्तव्याचे ठिकाणी अचानकपणे भेटी देऊन अशा दारू, गांजा, चरस, एमडी इत्यादी प्रकारची नशा कोण करत आहे का, याची चेकींग केली जाईल.
7) कॉलेज लगत असलेली पोलीस चौकी सक्रीय करून त्याठिकाणचे पोलीस स्टाफच्या मदतीने कॉलेज कॅम्पस व हॉस्टेल परीसरात पेट्रोलींग करण्यात येईल. कॉलेजमधील विद्यार्थी यांच्यावर कॉलेज प्रशासन आणि पोलीस प्रशासनाचे मार्फतीने विशेष लक्ष ठेवण्यात येणार आहे.
8) कॉलेजमधील विद्यार्थी यांना नशा पुरवणारे डिलर यांची माहिती संकलीत करून त्यांच्यावर प्रभावी कायदेशीर कारवाई करण्यात येणार आहे.
वरीलप्रमाणे विविध विषयांवर मार्गदर्शन करून कॉलेजमधील तरूण मुले-मुलांमध्ये वाढत चाललेली विविध प्रकारची नशा रोखण्यासाठी पुणे ग्रामीण पोलीस दलाने संकल्प नशा मुक्ती अभियान सुरू केलेले आहे. आतापर्यंत या अभियानामाफत विविध कार्यकम राबविण्यात आलेले आहेत, अशी माहिती आयपीएस सत्यसाई कार्तिक यांनी दिली. ( Guidance from Pune Rural Police IPS Satyasai Karthik to students of Sinhagad Institute about de-addiction )
अधिक वाचा –
– दुःखद ! लग्नाच्या दिवशीच नवरदेवाने संपवले जीवन, मावळ तालुक्यातील धक्कादायक घटना, लग्न मंडपात शोककळा । Talegaon Dabhade
– मावळ तालुका काँग्रेस कमिटीच्या सरचिटणीस पदी तळेगाव दाभाडे येथील किरण मोकाशी यांची नियुक्ती । Talegaon Dabhade
– संयुक्त पत्रकार परिषदेनंतर मावळ विधानसभेत आज महायुतीचा मेळावा; पदाधिकारी-कार्यकर्त्यांना समजणार प्रचाराची दिशा
