Dainik Maval News : मावळ तालुक्यात जागतिक महिला दिनाचे औचित्य साधून कर्तृत्ववान महिलांचा सन्मान सोहळा उत्साहात पार पडला. हा कार्यक्रम होप फॉर द चिल्ड्रेन फाउंडेशन पुणे आणि गेस्टॅम्प ऑटोमोटिव्ह इंडिया प्रायव्हेट लिमिटेड टाकवे चाकण यांच्या संयुक्त विद्यमाने आयोजित करण्यात आला होता. कार्यक्रमाची सुरुवात प्रार्थना, दीपप्रज्वलन आणि पूजनाने झाली. यावेळी क्रांती ज्योती सावित्रीमाई फुले आणि राजमाता जिजामाँसाहेब यांच्या प्रतिमेचे पूजन करण्यात आले.
या कार्यक्रमाला प्रमुख मान्यवर म्हणून ग्लेन जोन्स, (कंट्री मॅनेजर/सीईओ), डॉ. कॅरोलिन डी वोल्टर (संस्थापक होप फॉर द चिल्ड्रेन फाउंडेशन पुणे ), सुभाष गायकवाड (उमेद अभियान, पंचायत समिती वडगाव मावळ)शोभा वाहिले शिक्षण विभाग आणि सविता भोरे (सेंटर अॅडमिनिस्ट्रेटर – सखी वन स्टॉप सेंटर) उपस्थित होते.
याप्रसंगी डॉ. कॅरोलिन डी वोल्टर व ग्लेन जोन्स, यांनी आपल्या मार्गदर्शनपर भाषणात महिलांचे समाजातील योगदान अधोरेखित केले. त्यांनी सांगितले की महिलांनी शिक्षण, उद्योग, प्रशासन आणि सामाजिक क्षेत्रात उल्लेखनीय कार्य करून समाजाच्या प्रगतीत महत्त्वाची भूमिका बजावली आहे. महिलांची सुरक्षा, आरोग्य आणि सक्षमीकरण ही आजच्या काळाची गरज असून त्यासाठी समाजातील सर्व घटकांनी एकत्रितपणे काम करण्याची आवश्यकता आहे.
तसेच होप फॉर द चिल्ड्रेन फाउंडेशन पुणे आणि गेस्टॅम्प ऑटोमोटिव्ह इंडिया प्रायव्हेट लिमिटेड टाकवे चाकण यांच्या संयुक्त विद्यमाने मागील पाच वर्षांपासून ग्रामीण भागात विविध सामाजिक प्रकल्प राबवत असून विशेषतः *बाल स्नेही पंचायत* उपक्रमांतर्गत महिला व बालकांच्या विकासासाठी महत्त्वपूर्ण काम केले जात आहे. या उपक्रमांतर्गत विविध गावांमधील कर्तृत्ववान महिलांचा यावेळी सन्मान करण्यात आला.
यावेळी आंदर मावळातील आशा सेविका, अंगणवाडी सेविका, शिक्षिका, बचत गटातील महिला, ग्रामपंचायत अधिकारी तसेच महिला सरपंच अशा विविध क्षेत्रातील महिलांना “वूमन अँड चाईल्ड फ्रेंडली चॅम्पियन ” पुरस्कार देऊन गौरविण्यात आले.
कार्यक्रमात महिलांच्या यशोगाथांचे व्हिडिओ सादरीकरण, आरोग्यविषयक माहिती, खेळ, झुम्बा तसेच सांस्कृतिक कार्यक्रमांचे आयोजन करण्यात आले. कार्यक्रमाला गेस्टॅम्प कंपनी चे सर्व अधिकारी व कर्मचारी तसेच परिसरातील महिला मोठ्या संख्येने उपस्थित होते. कार्यक्रमाचे प्रास्ताविक मुख्य संचालन अधिकारी शकील शेख यांनी केले, तर सूत्रसंचालन वर्षा कुलकर्णी व ऋषिकेश डिंबळे यांनी केले.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– महाराष्ट्राचे २२ वे राज्यपाल म्हणून जिष्णू देव वर्मा यांनी घेतली शपथ ; राजघराण्यातील व्यक्ती, कवी – लेखक अन् राजकारणी, जाणून घ्या नवीन राज्यपालांबद्दल
– ESMA Act : मोठी बातमी ! घरगुती गॅस सिलिंडर बुकिंगबाबत नियम बदलले , देशभरात ‘एस्मा’ लागू
– मोठी बातमी ! राज्यात 9 मार्चपासून नवीन ऑटो रिक्षांना परवाना देण्यास स्थगिती
– मावळ पंचायत समिती सभापती पदी सुनीता येवले आणि उपसभापती पदी साहेबराव कारके यांची बिनविरोध निवड
