Dainik Maval News : मावळ तालुका कृषी उत्पन्न बाजार समितीच्या नूतन कार्यालयाचे मंगळवारी (दि. १० मार्च) उद्घाटन करण्यात आले. यासह गेली अनेक वर्षांपासून प्रलंबित असलेला कार्यालय इमारतीचा प्रश्न अखेर पूर्णत्वास गेला. मंगळवारी दुपारी बाजार समितीचे मा. सभापती संभाजी आनंदराव शिंदे, मा. उपसभापती नामदेव शेलार आणि संचालक मंडळ व सचिव यांच्या उपस्थितीत हा उद्घाटन कार्यक्रम संपन्न झाला.
याप्रसंगी मा. सभापती शिंदे, मा. उपसभापती शेलार यांच्यासह गटनेते दिलीप ढोरे, संचालक शिवाजी असवले, सुभाष जाधव, बंडू घोजगे, विलास मालपोटे, साईनाथ मांडेकर, विलास मानकर, अंजली जांभूळकर, नामदेव कोंडे, नथू वाघमारे, विक्रम कलावडे, अमोल मोकाशी, सुप्रिया मालपोटे, साहेबराव टकले, शंकर वाजे आणि सचिव मंगेश घारे, सहाय्यक आडकर उपस्थित होते.
मावळ तालुका कृषी उत्पन्न बाजार समितीची तळेगाव दाभाडे (स्टेशन) येथे सहा एकर जागा आहे. त्या जागेवर कृषी उत्पन्न बाजार समितीची ही नवीन अत्याधुनिक सुविधा असलेली इमारत बांधण्यात आली आहे. मंजूर आराखड्याप्रमाणे ह्या इमारतीचे बांधकाम झाले असून यात सभापती, उपसभापती आणि सचिव यांचे स्वतंत्र कक्ष उभारण्यात आले आहे, तसेच संचालक मंडळ यांच्या बैठकीसाठी एक सभागृह देखील बांधण्यात आले आहे.
मे २०२३ मध्ये मावळ बाजार समितीची निवडणूक झाली होती. तदनंतर निवडून आलेल्या नवीन संचालक मंडळ आणि पदाधिकारी यांनी बाजार समिती कार्यालय उभारणीस प्राथमिकता दिली होती. त्यानुसार बाजार समितीच्या समोरील सहा एकर जागेतील २२ कोटींचा विकास आराखडा मंजूर करण्यात आला आहे. त्यापैकी बाजार समितीचे कार्यालय, सहा एकरचे वॉल कंपाउंड आणि अन्य सुशोभिकरणाची कामे पूर्ण झाली आहेत. त्यातील कार्यालयाचे आज उद्घाटन करण्यात आले असून लवकरच इंदोरी उपबाजाराचेही उद्घाटन होईल, अशी माहिती मा. सभापती संभाजी शिंदे यांनी दैनिक मावळसोबत बोलताना दिली.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– महाराष्ट्राचे २२ वे राज्यपाल म्हणून जिष्णू देव वर्मा यांनी घेतली शपथ ; राजघराण्यातील व्यक्ती, कवी – लेखक अन् राजकारणी, जाणून घ्या नवीन राज्यपालांबद्दल
– ESMA Act : मोठी बातमी ! घरगुती गॅस सिलिंडर बुकिंगबाबत नियम बदलले , देशभरात ‘एस्मा’ लागू
– मोठी बातमी ! राज्यात 9 मार्चपासून नवीन ऑटो रिक्षांना परवाना देण्यास स्थगिती
– मावळ पंचायत समिती सभापती पदी सुनीता येवले आणि उपसभापती पदी साहेबराव कारके यांची बिनविरोध निवड
