Dainik Maval News : लोणावळा नगरपरिषद सार्वत्रिक निवडणूक २०२५ मध्ये स्थगिती मिळालेल्या दोन प्रभागातील दोन जागांसाठी शनिवारी ( दि. २० ) रोजी मतदान होणार आहे. तत्पुर्वी निवडणुकीच्या रिंगणात असलेल्या उमेदवारांना उमेदवारी अर्ज मागे घेण्यासाठी बुधवारी (दि. १० ) शेवटचा अवधी होता.
यामध्ये नांगरगाव प्रभागातील निवडणूक होत असलेल्या ठिकाणी शिवसेना पक्षाच्या अधिकृत उमेदवाराने त्याचा उमेदवारी अर्ज अखेरच्या दिवशी मागे घेतला आहे. विवेक भांगरे यांनी आपला उमेदवारी अर्ज मागे घेतला आहे.
लोणावळा नगरपरिषद निवडणुकीत नांगरगाव प्रभाग क्रमांक ५ ब – सर्वसाधारण जागेसाठी, तसेच गवळीवाडा प्रभाग क्रमांक १० अ-नागरिकांचा मागासवर्ग – महिला या दोन जागांसाठी दिनांक २० डिसेंबरला मतदान होणार आहे. तर या जागांसाठी उमेदवार असलेल्या उमेदवारांना उमेदवारी अर्ज मागे घेण्यासाठी बुधवार, दिनांक १० अखेरचा दिवस होता.
गवळीवाडा येथे एका जागेसाठी काँग्रेस आणि भाजपा अशी लढत होत आहे. तर, नांगरगाव येथे भाजप, शिवसेना, राष्ट्रवादी काँग्रेस व अपक्ष असे चार जण रिंगणात होते. यापैकी शिवसेनेचे उमेदवार विवेक भांगरे यांनी माघार घेतल्याने भाजप व राष्ट्रवादी काँग्रेसमध्ये सामना होणार आहे.
लोणावळा नगरपरिषद निवडणुकीत नगराध्यक्ष पदासह उर्वरित बावीस जागांसाठी दोन नोव्हेंबरला मतदान पार पडले. तर बिनविरोध वगळता केवळ दोन जागांसाठी निवडणूक आयोगाच्या सुधारित वेळापत्रकानुसार शनिवारी (दि. २० डिसेंबर) निवडणूक होत आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा –
– मध्य रेल्वेकडून लोणावळा स्थानकाजवळ तीन दिवस ब्लॉक ; पुणे-मुंबई रेल्वे सेवा होणार विस्कळीत, रेल्वे प्रवाशांना आवाहन…
– विकासाच्या मुद्द्यावर सुरू झालेल्या निवडणुका पैशांच्या मुद्द्यावर संपल्या ; मावळात नगरपंचायत, नगरपरिषद निवडणुकीत पैशांचा पाऊस
– राज्यातील सर्व नगरपंचायत, नगरपरिषदांची मतमोजणी २१ डिसेंबरला होणार ; नागपूर खंडपीठाचा आदेश, वाचा सविस्तर
– तळेगाव दाभाडे नगरपरिषद निवडणुकीत मोठा ट्विस्ट ! सहा जागांवरील निवडणूक स्थगित, ‘हे’ आहे कारण
