लोणावळा उपविभागाचे सहाय्यक पोलीस अधीक्षक सत्यसाई कार्तिक यांनी उपविभागाचा पदभार स्विकारल्यानंतर अवैध धंद्यांवर आणि गुन्हेगारांवर कायदेशीर कारवाईची मालिका सुरूच ठेवली आहे. यादरम्यान सत्यसाई कार्तिक यांना गुप्त बातमीदारामार्फत माहिती मिळाली होती की, लोणावळा शहर पोलिस स्टेशन येथे सन 2019 मध्ये दाखल असलेल्या गुन्हा रजि न. 153/19 भादवि कलम 395, 120(ब) या दरोड्याच्या गुन्ह्यात मागील पाच वर्षांपासून फरार असलेला एक आरोपी हा लोणावळा रेल्वे मैदान परिसरात येणार आहे. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअॅप चॅनेल जॉईन करा )
त्याआधारे सत्यसाई कार्तिक आणि त्यांचे पथक हे आज, शुक्रवार (दिनांक 1 मार्च) रोजी सकाळपासून लोणावळा रेल्वे मैदान परिसरात सापळा रचून बसलेले होते. त्यावेळी दुपारी 4 वाजताच्या सुमारास आरोपी मतीन शेख हा तिथे येताच आणि खबरीने त्याची ओळख पटविताच पथकाने त्याला जागीच ताब्यात घेतले. त्याच्याकडे अधिक चौकशी केली असता त्याचे पूर्ण नाव मतीन रशीद शेख (वय 38 वर्ष, राहणार पुणे) असे सांगून तो लोणावळा शहर पोलिस स्टेशन गु. रजि न. 153/19 भादविं कलम 395, 120 (ब) मधील फरारी आरोपी असल्याचे निष्पन्न झाले. नमूद आरोपीला पुढील कार्यवाही करिता लोणावळा शहर पोलीस स्टेशनचे ताब्यात देण्यात आले असून पुढील तपास लोणावळा शहर पोलीस करत आहेत. ( Lonavla Police IPS Satyasai Karthik fugitive accused in crime of robbery was arrested )
सदरची कारवाई पुणे ग्रामीण पोलीस दलाचे पोलीस अधीक्षक पंकज देशमुख, अपर पोलीस अधीक्षक रमेश चोपडे यांचे मार्गदर्शनाखाली लोणावळा उपविभागाचे सहाय्यक पोलीस अधीक्षक सत्यसाई कार्तिक, सपोनि सचिन राऊळ, पोसई शुभम चव्हाण, पोलिस हवालदार बंटी कवडे, पोलिस हवालदार सचिन गायकवाड, पो.कॉ रहिस मुलानी, पो कॉ.गणेश येळवंडे यांचे पथकाने केली आहे.
अधिक वाचा –
– मावळात राजकीय भूकंप! राष्ट्रवादीतील दादा गटाला खिंडार, एक दोन नव्हे तब्बल सव्वाशे पदाधिकाऱ्यांचा राजीनामा । Lonavala News
– आजपासून दहावी बोर्डाच्या परीक्षेला सुरुवात, पवनानगर केंद्रावर दहावीच्या परीक्षेची तयारी पूर्ण । SSC Exam 2024
– पवनानगर येथील संकल्प इंग्लिश स्कूलमध्ये विज्ञान दिन उत्साहात साजरा, विद्यार्थ्यांच्या कल्पकतेने सर्वजण थक्क